依家的母亲节...

今日系一年一度既伟大母亲节啊!!!
记得从我读一年级开始, 就用自己儲既钱, 去买D小小礼物俾妈子.
当时边会有咁多人记得兼庆祝啦....

不过, 时代唔同啦!
今时今日既母亲节, 已经不知不觉被商业化啦!
又乜双亲节大优惠啦...买一送一啦...
又乜套餐特价优惠啦...等等...
真多谢D商家年年都咁提醒我地...哈哈哈哈....

至于依家D后生既, "好多"都俾我既感觉系...
人地庆祝我又要庆祝, 人有我又有既感觉...
好对唔住如果我讲到你既"所作所为", 哈哈哈哈....
咁又唔系全部人都系咁既, 有好多都系出自孝心既.

点解我咁讲哩?
因为我亲眼见过D后生既庆祝方式真系令我挖晒头!!!
一班中年同班后生, 带住嗰八九十岁坐轮椅既妈妈或婆婆,
去食日本自助餐庆祝母亲节!!!
你我都知, 日本餐通常都系D生冷嘢, D老人家边钟意啦...
OK, 就算拒真系钟意, 坐住轮椅点食自助餐啊???
我只见到拒D囝囝囡囡孙孙, 帮拒攞咗D嘢之后,
然后就系自己忙住攞晒自己钟意食D嘢, 就坐系度系咁食系咁食.
食完就响度吹水唔抹嘴, 剩低嗰老既响度眼望望, 有D食唔饱既感觉...
我真系唔知系拒地庆祝食大餐啦, 抑或系庆祝母亲节??

所以讲, 要孝顺, 日日无时无刻都可以孝顺啦,
驶唔驶等到今日先正搞埋咁多嘢啊???
就算真系要搞D嘢, 都要问下拒钟意D乜嘢了嘛...
点都好啦, 咁都系有好多孝顺囝囝囡囡既...
正如我所讲, 咁又唔系全部人都系咁既, 有好多都系出自孝心既.

依家既母亲节, 对我嚟讲, 只系俾D商家赚大钱既日子...
至于我, 系唔系嗰孝顺仔哩...???
你最好问下我娘亲啦.
不过我捻, 都OK合格啦... 哈哈哈哈...

HAPPY母亲节!!!