2009年9月28日星期一

农夫, 餐馆, 赌徒

1) 农夫

某日深夜, 当周围都夜烂人静, 一旧饭观赏紧精彩足球赛既时候, 部长突然从楼上一支箭咁冲落嚟, 紧张状态咁开部电脑, 吓得我即刻问部长: 咩事啊???
部长: 我要睇我既FARM啊! 我今日忘记收割啊!!!!
饭哥: 吓??? 咩FARM??? 收割咩嘢啊????
部长: 我响我既面子书(FACEBOOK)里面开FARM种菜啊!!! 今日唔收割D菜就拦晒架啦!!!
饭哥: 乜面子书可以种菜既咩???
部长: 乜你咁OUT架.....
饭哥: ........(无言.....兼有呕血既感觉.....)

2) 餐馆

又某日傍晚, 当外家一家人准备开饭既时候, 我既姨仔仲对住架电脑, CLICK下CLICK下咁.
饭哥: 搞咩啊喂? 出街食饭啦....
姨仔: 等下先啦, 我间餐馆好多人客啊.... 好好生意啊....
饭哥: 吓??? 咩GAME嚟架??? 开餐馆???
姨仔: 我响我既面子书开餐馆啊! 睇, 几好生意!!!
饭哥: 乜面子书可以种菜兼开餐馆既咩????
姨仔: 系啊大佬, 乜你咁OUT架.....
饭哥: ........(又无言.....又有呕血既感觉.....)

3) 赌徒

又再某日放咗工时间, 当饭哥准备离开OFFICE既时候, 睇到嗰SUPERVISOR对住架电脑, 又CLICK下CLICK下咁. 望一望, 哎呀!!! 竟然响公司ONLINE赌博???
饭哥: 喂!!! 你想死啊!!! 用信用卡ONLINE赌博??? 输死你啊!!!
SUPERVISOR: CHIEF, 我搞紧面子书既POKER GAME啊, 唔驶钱架....
饭哥: 乜面子书又可以种菜, 开餐馆兼玩POKER既咩???
SUPERVISOR: 系啊CHIEF, 乜你咁OUT架..... 你睇, 我仲可以买烟仔, 买啤酒, 兼送花俾人添....
饭哥: ........(又再无言.....又再有呕血既感觉.....)

我捻, 我真系好OUT哦! 哈哈哈哈哈......
后记: 我从2006就有自己既FACEBOOK啦, 不过完全冇UPDATE兼冇玩过任何既GAME.... 哈哈哈哈哈.....
唔该ADD我啦: lazy0099@yahoo.com.sg; Nick Name: Tony Edison

好歌分享!

十三年前既一首好歌.

到依家听都系咁好听.

一起分享!!!

video

2009年9月25日星期五

搞笑的老燕子-双语版!

广东版:
"华山派"呢排真系多事, 除咗嗰"掌门人"同嗰"细细粒"有正经嘢唔做, 搞埋D争霸战之外, 呢排又有嗰搞笑既"食风大臣老燕子".....

最经典就系以下呢三样嘢:

1) N年前竟然教人点样喷香水着性感睡衣"诱惑"老公, 点先正可以有美好的性生活.
睇唔出"老燕子"咁"性"经验丰富, 不如改做"性大臣"啦.... 哈哈哈哈哈.....
唔知佢老公会唔会应付唔嚟呢, 日日要饮"十全大补"正得啦. 哈哈哈哈哈.....

2) 自从做咗"食风大臣"之后, "老燕子"便时不时飞到外国到处拉客. 更不惜牺牲色相, 到处大跳本土舞嚟招生意.
唔该唔好搞埋D咁既嘢嚟赶客啦..... D外国人见到你D咁既款, 同见鬼有乜分别啊? 仲会嚟咩?
再讲你咁跳得, 不如参加卫星台既"舞极限"啦.... 哈哈哈哈哈......

3) 近排仲劲兼型, 竟然要将D食物注册为本土食物.
大姐啊大姐, 唔好俾人笑死啦....
如果系咁, 咁如果我地要食汉堡包咪要飞去美国? 食四川菜咪要飞去四川?? 食点心咪要飞去香港??? 食意粉咪要飞去意大利????
身为一嗰"大臣", 竟然讲埋D咁既嘢, 真系MONO(冇脑)啰.....

你地话系咪顶"老燕子"唔顺啊???

后记: 老实讲啊, D鸡饭确实系"狮子国"好食好多, 其他D就"老虎国"呢边好食好多.


华语版:

"华山派"最近真是多事, 除了"掌门人"和"细细粒"有正经事不做, 再搞些争霸战之外, 最近又有位搞笑的"吃风大臣老燕子".....

最经典就是以下这三样事件:
1) N年前竟然教人怎样喷香水穿性感睡衣"诱惑"老公, 要怎样才会可以有美好的性生活.
看不出"老燕子"这样"性"经验丰富, 不如改做"性大臣"啦.不懂她老公会不会应付不来呢, 天天要喝"十全大补"才可以啦.

2) 自从做了"吃风大臣"之后, "老燕子"便时常飞到外国到处拉客. 更不惜牺牲色相, 到处大跳本土舞来招生意.
拜托别再做这样的事情赶客啦. 外国人见到你这样的款, 和见鬼有什么分别啊? 他们还会来吗?再讲你这样能跳, 不如参加卫星台的"舞极限"啦.

3) 最近更厉害, 竟然要将些食物注册为本土食物.
大姐啊大姐, 别再被人笑死啦....
如果是这样, 那么如果我们要吃汉堡包一定要飞去美国? 吃四川菜一定要飞去四川?? 要吃点心一定要飞去香港??? 要吃意粉一定要飞去意大利????
身为一位"大臣", 竟然讲这样的话, 真是MONO(无脑)啰.....

你们说是不是顶"老燕子"不顺啊???

后记: 老实说啊, 鸡饭确实是"狮子国"好吃很多, 其他的就"老虎国"这边比较好吃.

2009年9月24日星期四

大马拳王VS香港光头田!

video

video

各位, 睇下我地大马既拳王几厉害!

打到嗰香港仔揸住粒春咁几样......哈哈哈哈哈....

佢以为佢真系"张三丰"既老窦啊?!

真系X佢老味, 不知所为!!!!

2009年9月22日星期二

向臼井儀人老师致敬!

臼井儀人~蠟筆小新既爸爸, 亦都系蠟筆小新既作者, 行山时唔小心跌落山崖.

以下系日本最新报道同翻译:

同社によると、遺品のデジタルカメラの中には、登山中に撮影した風景写真が30枚ほど残されていたという。最後の写真は滑落したがけの上からがけ下をのぞき込むようにして撮ったものとみられ、臼井さんはこの写真を撮影後、誤ってがけから転落したとみられるとの見解も明らかにした。

双葉社には、「クレヨンしんちゃん」の原稿があと2号分届いているが、11月発売の12月号以降の掲載の体裁については未定という。また、葬儀・告別式は近く親族のみで行う予定という。

在臼井儀人的相機中發現30多張風景照片,在最後一張照片是由崖上拍下去的,很有可能是在撮影後,失足...做成今次的意外.

雙葉社表示...因為臼井儀人老師出發前是交了11月的原稿的,但12月會不會有連載,現在還未有定案...


唉~估唔到佢一個唔少心......咁就走左,好遺憾佢咁就離開我地....
多謝你帶俾我地咁多歡樂...

我真係唔信佢會死,好地地一個作家行山都會........
希望大家都珍惜你地既朋友/親人......... 錯过左就返唔到轉頭....


上帝要看舞蹈,帶走了MJ....
上帝又要看笑話,帶走了臼井老师....


臼井儀人老師你真是一個很好的漫畫家!!
R.I.P, 希望能安息


其实我系蠟筆小新超级粉丝!!!!
我D书借晒俾D猪朋狗友睇点知冇还! 激死我啦!!!
俾你地睇下我D少部分收藏品啦.




2009年9月21日星期一

伤心的开斋节....

仲记唔记得我既悲欢交集里面提过既十六嗰月大, 患鼻癌既BB吗?

今朝早凌晨, 佢已经离开咗我地........
对佢两公婆嚟讲, 真系一嗰难忘又伤心既开斋节.......

希望佢地节哀顺变......

2009年9月13日星期日

相亲记!

沉日下午, 约实咗博友人气公主瞌睡公主, 交货! (放心, 唔系走粉!!)
顺便帮饭仔同TAVIA相一相亲, 睇下啱唔啱KEY先! 哈哈哈哈哈....

第一面....... 大家都怕丑......

第二面, TAVIA竟然拉低条"带"!
衰仔! 有嘢睇啊, 仲唔睇! 你睇咩啊???

原来TAVIA爸爸讲买TOYS俾佢, 嗰衰仔即刻跳巢!!!
够现实!!! 哈哈哈哈哈.....


捻嚟捻去都系痴嗰靓女FATTY JEAN姐姐好D.... 哈哈哈哈哈....
有老窦既优良传统!
不过FATTY JEAN姐接一D都唔FAT架!

哎呀! 俾人捏我脸啦!!! 好多人羡慕你啦, 靓女姐姐!!!

吓!!! 有人偷映我添!!! ACT COOL先!!!

最后, 梗系例牌映返张合照啦....
不过....TAVIA瞓咗哦....

再嚟一张换嗰靓女FATTY JEAN....

结果, 吹水吹咗三粒钟.... 好彩冇俾人赶走...哈哈哈哈哈....
不过真系吹的冇咩够喉, 希望下次再出嚟再吹过啦....
结论: 大家都系吹水KAKI, 尤其是TAVIA爸爸,
唔好睇佢文采咁正经, 其实好搞笑好FUN架!!!

2009年9月12日星期六

最讨厌的人....

响好多公众场所, 我特别讨厌以下几种人:

1) 跟住救护车穿插既废人
好多时候, 当救护车放"BIBO BIBO"紧急信号既时候, 我地都会揸埋一边让路俾佢过.
之后你就可以睇到有D废人就好似"送殡"咁, 一直跟住架救护车, 因为可以行快D嘛.
行咁快, 赶住去投胎咩!

2) 揸车"割"咗你之后仲要头望望
好多揸车人士, 钟意跟到你贴贴, 再打高灯叫你让路.
当你有礼貌地让条路俾佢之后, D人总系钟意再会头以一种"刃屎"既眼神响你头望望.
让条路俾你仲要头望望, 睇住前面既车啦! 小心撞死你啊!

3) 茶室攞你张櫈/报纸既人
当你食紧嘢既时候, 无段段有条友问都唔问就攞开你张枱D櫈/报纸.
大佬, 你老窦老母冇教你咩嘢系礼貌啊??
再讲份报纸我架! 过几钱一份咁都冇钱买啊? 冇钱买学咩人睇报纸啊??


4) 公众厠所用完又唔冲水既人
好多时候, 一打开D公厕, 就会见到D朱古力响度! 真系想呕!!!
咁冇公德心既人, 应该攞去枪毙!!!
好多时候我都宁愿"忍"到返自己屋企.....

5) 茶餐室有手有脚D乞儿
好人好姐有手有脚竟然唔识去揾嘢做, 走埋嚟叫两句就想攞钱??
唔系我毒心, 呢D咁既人我一针都唔会俾.
印尼最多咁既人, 周街都可以见到D父母叫D细路过嚟问你攞钱.
呢D咁既父母, 真系.....唉....

6) 大庭广众食残废餐
当D恋人热恋既时候, 都会情不自禁咁, 互相喂对方食嘢.
大佬小姐啊, 要做都等冇人先正做D咁既嘢啦.
大庭广众, 有手有脚, 驶唔驶人喂啊?
有唔见你地做下孝顺仔女喂下养大你地D老窦老母??!!


7) 唔帮女友/老婆攞嘢D男人
呢D男人一D风度都冇, 竟然仲有女人钟意!
真系唔明兼唔解.....

你地又点睇呢?
周末快乐!!!!

2009年9月9日星期三

吱吱声...

果日朋友响中国广东省工干返嚟, 佢吹咗段估过我听.....

佢话广东省D酒店好得意, 瞓到半夜有D吱吱声.
第一晚瞓, 听到有细细D吱吱声; 不过好鬼攰, 唔得闲睬佢.
第二晚, 又听到D吱吱声, 而且越嚟越大声添, 佢又好攰, 又唔理D声, 倒头大瞓....
到咗第三晚, D吱吱声又嚟, 真系好大声, 佢真系忍唔住, 起身揾究竟系咩声咁鬼吵.

听下听下, D吱吱声系响嗰角落头嚟, 果度正系佢放行李箱既地方.
岂有此理啊! 竟然有老鼠嚟咬佢既行李!!!!
佢咪落住支高球棍准备打只死老鼠.
点知行到去, 老鼠就冇啦, 眼见到既竟然系嗰行李箱既四嗰轮系度自己碌紧!

点啊? 吓到佢即刻冇鞋挽屐走!
即刻要求换房!




后记: 下次出门记得唔好带D有轮既行李箱啊.
如果唔系, 半夜吵住你瞓觉, 唔关我事啊.....

2009年9月7日星期一

"城城"的故事!

上嗰周末, A小姐(29岁, 某银行MARKETING经理) 无段段带嗰新男友俾我地几位好友"过目SCAN下".
新男友嗰LOOK: 留须, 长发兼染金, 眼细细, 鼻扁扁, 肥尸大只大肚腩, 皮肤黝黑兼有D粗添.
食完餐饭, 新男友话有D事, 要返公司, 揸架SLK, 好似系做出入口既.
之后我地咪继续我地既"吹水论坛":

A小姐: 喂, 你地觉得X君点啊? O唔OK唧?

贱男L: 哇! 唔讲由自可, 讲到就把鬼火! 咪你呢排好DRY好LONELY咩? 睇佢既LOOK直头都唔得啦! NOT PRESENTABLE AT ALL!!!!

A小姐: 死佬L, 你驶唔驶去到咁尽啊??? 部长, 你话嘞!

部长: 哎呀! L, 你又系既, 最紧要对A好咪得啰.... 好过你半嗰女友都冇啦!

A小姐: 哈哈哈哈哈... 抵死! SO FAR佢都对我OK架....

贱男L: 就算我好DRY好LONELY都好, 都唔会是但执返件咁"YO既嘢"嚟做我条女啦... 虽然我三张几嘢, 但系我D水准系唔会跌到咁LOW既.....

A小姐: 饭哥, 你最老实, 你话呢?

一旧饭: 咁.....最重要梗系对你好啦! 咁有好难讲哦, 巴刹卖菜既四婆够对我好啦, 次次俾D FREE葱我, 又唔见我钟意佢? 关于佢既样貌, 咁都冇L讲得咁差啦..... 同"城城"比, 输"城城"少少唧....

A小姐: 哇!!! 你都够夸够虚唧, 同"郭富城"比输少少.... 好俾面哦!

一旧饭: 你都TEN下TEN下既, 我几时话系"郭富城"啊? 我系讲同国家动物园果只名叫"城城"既猩猩比仲输少少啊!!!

A小姐: 饭哥, 你去死啦!!!!

大家: 哈哈哈哈哈......


后记: 不过老实讲, 我真系好钟意佢架, 佢架SLK啊!

人"老"唔系代表水准要求都要"LOW"!!!! 各位切记!!!

婚纱照之预告片

各位街坊, 先俾大家睇下D预告片先, 因为真既要等几耐下.
边位有兴趣, 请去部长度睇下啦! 见笑啦!!!
睇去果度, 留言呢度哦, 哈哈哈哈哈......

2009年9月5日星期六

拍照??!!

注册结婚就快两年了, 饭仔都出世了, 今天终于要拍结婚照了.....

很恐怖! 真的太恐怖了!!!
为什么呢?
1) 因为我听说会很闷很累....怕怕!!!
2) 自从我身材"变型"之后, 我就很抗拒拍照...怕怕!!!
3) 因为相店那有很多性感美妹啊....更怕怕!!!!

幸好, 我拿的是最便宜那套,
所以省钱兼希望可以尽快搞定啦!
哈哈哈哈哈.....

为什么突然又会拍照呢?
因为当我今年有事在医院时对部长说:
对不起, 如果我有什么事, 连一张结婚照都没得让你留念.....
我出院后一定要拍照!!!!
嘻嘻嘻....就是这样啰......

其实, 我一直以来都有"结婚恐惧感",
可能是太多朋友离婚而影响吧.
但遇到部长之后, 又不会再想到这些.
可能就是缘分吧......

哎呀! 要赶时间去"行刑"啦!!! BYE BYE!!!

2009年9月1日星期二

七月猛鬼系列之七月十四博友聚会....

惊吓度极高!!!

心脏病者, 胆小者, 孕妇兼半夜时, 千万别看!!!

不然....吓到"笑"后果自负........

video