真人鬼事之宿舍3

今次我要讲下我既事件啦!!! 唔恐怖既!!!

话说当初去到星洲读书, 因为系攞到果度政府赞助既课程,
所以住响嗰TANJONG PAGAR既公司COMPLEX.
都几出名吓架....一共有二十楼, 如果冇记错...
每双数正又LIFT既, 住单数既就要上或者落一楼.

我地入住五楼, 最底层, 因为四楼以下全部有系写字楼同D铺位.
每次我地都惯咗去六楼, 正落返五楼, 因为落好过上嘛!
但系六楼完全系封死冇嘢既, 因为系公司既某神秘部门,
只得一嗰门俾果嗰部门出入. 环境阴阴沉沉...

我地既五楼宿舍, 正对面系间掉空既单位.
门前仲有度符, 更显得恐怖....听讲以前一家人自杀死...
讲你都唔信, 每逢周末傍晚同夜晚, 我地既单位, 一定有人敲门,
但系每次开门都冇人既.
我地D"SENIOR"同我地讲, 唔驶理拒, 系咁既.
久而久之, 真系习惯咗啦...

有时果间单位, 仲有D音乐播出, 但又听唔清系乜音乐哦...
有日下午, 我同班同事, 决定去开凶宅门睇下里面有乜嘢先.
点知嗰门系反锁既...冇嘢睇....

有一次夜晚, 住我隔离既仁兄, 反锁忘记带KEY.
大镬!!! 我既单位系冇露台爬过去既, 点算呢???
唯有试下用傢撑打开间凶宅门由果度爬入去, 因为果度可以爬过去既.
点知一开, 嗰门竟然冇锁哦!!!
我地带住电筒, 九秒九咁帮拒爬过去!
果阵时真系劲惊架!!! 口一直念: 唔该帮下忙借嗰位唧...
第二日一早, 我地又过去试开凶宅嗰门, 又反锁返哦!!!
你地话系咪好奇哩???
所以话, 有时D兄弟唔会害我地, 只要我地冇犯到拒地咪得啰...

最恐怖有两单嘢:
1) 架LIFT成日唔知点解, 一直上唔到六楼, 最后唯有去四楼再爬上五楼!
2) 我一嗰人响间宿舍瞓觉, 因为周末好多学生返JB或者去JB玩.
果阵系晚上九点, 冇开灯. 房门开咗DD
我睇到有嗰"人头"响房门度望住我瞓觉. 吓到我即刻转头去另一边, 继续瞓...

点都好, 就咁住咗两年...直到毕业, 冇计啦...冇钱了嘛...
之后就搬咗去CHUA CHU KANG另一间更猛既私人公寓...
咁次我真系俾间公寓吓到....!!!