2008年7月27日星期日

飞日本啰...

今晚2345班机飞KANSAI AIRPORT. 应该都会停写日记. 返嚟再吹水啦....
下嗰礼拜日再见啦....
有D担心老婆一嗰人响家..... 唔紧要啦, 日日CALL BACK 报到啰....

2008年7月26日星期六

三十出既男人心声....

video

好钟意呢只歌, 因为完全讲出我地呢D三张几嘢既男人心声... 哈哈哈... 比如...:

嗰嗰都肚腩大.... 仲扮活泼同街嗌... 吹水懒灰谐....

身边靓女走晒, 我额头秃鬼晒.... 系咪要想死, 想死你都有排....

踢两嘢嗰嗰断气, 嗰嗰烟隐大....

啤酒两JUG对晒, 身纪有得好快.... 系咪要修身, 减肥, 食药再搣脂, 姿整过小女孩....

要买盒金爸爸即买, 细嗰话之当街小过解....

老友咪放气, 放都嘥气.... BABY....

好有意思, 好有激励既一首歌.... 哈哈...

男子组-林海峰, 好嘢!!!

2008年7月25日星期五

乖仔VS蒲精

请问小姐, 你会捡一嗰劲乖仔啦, 或系一嗰蒲精哩???
其实,以前好钟意问D女性朋友话, 如果有得俾你捡,一嗰劲乖既男仔,唔食烟唔饮酒,唔溝女唔口花,同另外一嗰完全相反嗰蒲精俾你捡,你会捡边嗰??? 答案: 问十嗰,九嗰话乖果嗰. 原因:安全感. 另外一嗰会捡蒲精,点解哩? 倦鸟归返.... EXACTLY!!! 我撑拒.

因为当一嗰人,玩到真系唔得玩,攰啦,拒就会自自然然想SETTLE DOWN啦.... 我就系其中一嗰啦... 哈哈哈... 以前我都从未捻过要SETTLE DOWN, 净系想自由, 冇束缚, 一嗰礼拜蒲吧劈酒劈足九日通顶, 呢嗰拜六劈到下嗰礼拜日; 冲凉DUB骨, 夜总会俱乐部, 食烟5仔乜都试过, 不知天高地厚, 生活颠倒, 捻到虽然好ENJOY, 但系真系好嘥时间嘥钱嘥心机.... 唔好以为读书人就唔做呢D嘢, 其实仲玩得大啦.... 好采冇上隐, 纯属玩玩唧, 总知就乜都想试啦..... 但系当到咗一嗰时候, 就回自自然然想休息.... MAYBE老饼咗啩..哈哈哈.... 依家乜都灭嘞嗮啦, 净系有时同班同事饮两杯唧...
口花花??? 乜女仔唔系钟意人撢既咩??? 甜言蜜语听到你有飘飘然既感觉....

又有嗰朋友, 真人版, 以前乖到完全冇节目, 日日响间房度塸尘, 到结咗婚, 好听老婆话. 点知做PART TIME识咗班离婚一族, 跟埋拒地蒲, 结果??? 学埋拒地离婚, 真系好既唔学, 坏既就学到足...

坏既已经乜都试过睇过, 可以讲系厌嗰只; 好既就从未试过, 结咗婚正试, 咁你话啦, 死唔死???
蒲精就好似只自由既小鸟咁, 飞得多飞得远, 终有一日会攰, 会返归....
乖仔就好似只从未飞出笼既小鸟, 一但飞出去呢嗰花花世界, 就好难返嚟啦....
好啦, 依家请问你, 你又会捡边嗰哩???

2008年7月24日星期四

Japan Visa 搞掂咗



今日啱啱攞咗VISA, 准备礼拜晚飞啰... 虽然系第三次去, 但系都好期待, 但系近排呢度又发生D冇乜开心既嘢, 真系有D唔舍得嗰老婆, 担心拒会成日唔开心. 其实捻住呢次带埋拒去既, 点知有咗亨仔, 所以咪留返明年啰, 横店明年又要去....

今次去六日, 第一日到大版(中部), 之后搭新干线去广岛, 带同事去行下, 因为拒咪去过, 之后就再搭去FUKUOKA既小仓过一晚夜(最南部既岛), 第二日就去做嗮工事后, 直头飞去北海道(最北部), 玩返四日三夜, 正夏天, 好多节目, 一定要再去温泉, 劲爽!!!
之后飞去东京(中部)开嗰会, 玩返半日, 因为同事又未去过, 隔日就飞返嚟. 所以可以话日本"走透透"啦....

冇乜担心, 净系担心地震唧... 哈哈哈....
话嗰夜俾你知啦, 日本D屋系唔可以痴埋一齐, 原因就系防地震, 所以日本系冇排屋架. 仲有日本系有好多好多桥, 净系东京都有几百条桥. D桥全用铁做, 因为用石灰做既话, 地震就会爆或者断. 而且中间仲有JOINT BEARING架, FLEXIBLE嘛....

呢D就系日本小常识啦....

2008年7月23日星期三

WHERE IS MY 姑姑???

陈玉莲, 我最喜欢既小龙女, 竟然变咗真"姑姑", OH MY GOD....
近排褒紧嗰套"原来爱上贼", "惊"见拒容颜, 真系俾拒吓亲下... 脸部劲浮肿, 身材劲"圆", 加埋把咩型既头发, 真系.... 不堪一"睇"... 仲敢讲拍呢套剧唔俾嘴, 唔俾拖手, 试问声"松哥"点嘴, 点拖得落手啦...

早知变成咁, 就唔睇啦, 完全破坏我心目中既小龙女... 真系伤心...
相比之下, 余安安, 真系KEEP得一流, 嗰LOOK, 嗰身材, 依家睇到都仲会流口水, 哈哈哈...

所以咪话啰, 女人唔KEEP, 好易老架... 有版俾你睇架... 各位LADY, 记住啊, 乜都可以HAN, 千祈咪HAN保养啊.... 唔该!

2008年7月22日星期二

利害利害...我都想咁快...哈哈!!!

video

各位, 如果你地真系咁咁时间, 真系可以好似拒咁, 快与准!!!

不过我试咗啦.... 真系得架嚄...哈哈.... 唔信你试试睇.

D"咔佬"真系乜都捻得出架嚄....

2008年7月20日星期日

劲大打击...SHOKU SAN...哈哈哈!!!

video

哈哈哈!!! 劲笑爆肚.... D细路真系乜都做得出... 哈哈哈!! 可能呢D咪叫做童真啰...

SHOKU SAN呢嚄打击实在太大啦... 仲惨过我失恋, 失业, 失踪, 兼失身... 哈哈哈!!!

希望大家钟意, 钟意就介绍吓俾D朋友嚟捧场啦... 唔该!!!

骆晋亨

HUH? 乜水嚟架??? 哈哈哈!!! 就系我帮我骆公子按嗰名啦. OK冇???

上嗰星期终于肯定系囝囝嚟啦. 清楚可见"姑姑蕉"啦.. 骆家有后啰... 谢天谢地一定要平平安安健健康康出世啊... 嗰名点先??? 有冇意见先??? 我捻都几OK架... 英名可以叫HENRY.


沉日去买张BB床, 哇!!! 简直贵啊!!! 成千蚊.... 有冇搞错??? 仲贵过我嗰张啊!!! 哈哈哈... 依家D"BB"认真好命, 乜嘢都有, 乜嘢都齐全, 肯定冇问题, 问题系钱唧.... 咁就够啦....

知道系囝囝都好, 下嗰礼拜就飞去日本, 到时咪可以买D男装俾拒啰.... 玩具都OK架... ULTRAMAN, 叮噹, 同埋我的至爱:蜡笔小新. 但系千祈咪好似拒咁调皮就好啦... 哈哈哈... 唔系就真系呕血啰... 大象大象!!!

2008年7月19日星期六

咁巴闭????

各位, 睇过未??? 咁巴闭既店真系第一次见. 不过都算拒几有创意啦.... 哈哈!!! 正常开铺六点, 瞓过咙就七点, 瞓唔着就五点.... 哈哈...真系服咗拒....

其实呢间咁巴闭既嘢系内地一间茶楼, 卖点头既.... 嗰朵都几响架, 不过就系顶唔顺拒嗰老细D作风, 唔忧做咁. 不过听讲拒D历史都几让人叹息架....

平时大家都知虽然我钟意吹水, 但系就好少讲人是非既.... 不过有时吹下都冇坏既, 系咪先...? 有冇伤天害理..... 吹下唔得咩...

话说嗰老细一直以来都有几针钱既, 不过自从娶开嗰老婆之后, 环境就开始有D改变... 拒老婆听讲劲索, 外表斯斯文文, 朋友介绍既, 都几帮得拒手架. 衰就衰在系咁日夜帮拒做, 日头就帮铺头, 夜晚又房间做, OOPS!!! 咪怪我有嗰句讲嗰句. 哈哈哈!!! 全冇消遣, 放工返工日日同一条路, 大佬啊, 牛都死啦... 咁闷咁冇情趣, 系咪先???

就系咁, 有次老婆朋友聚会, 就识咗嗰口花花, 劲识浪漫淋女王, 仲唔死咩.... 虽然条友都知拒嫁咗俾条点心佬, 但系条女话明劲索, 身材又得, 又未有细路, 又有钱, OK嘛.... 就系咁, 嚟咗段婚外情, 悲剧就咁开始咗.... 直到有日, 老婆夹带私逃, 同条友远走高飞, 发嗮人揾都唔到.. 大佬啊, 内地咁大, 点揾啊??? 系咪先???

就系咁, 从此以后, 嗰老细就开始有D冇乜正常... 但系值得安慰就系好采未有细路, 有就更加惨, 更悲, 更伤害无故啰.... 几时都话, D细路系无故架啦.... 所以话, 咪以为睇到既牌就以为嗰老板好有趣, 好有创意, 其实每嗰人可能背后都有段可喜或可悲既故事... 凡事都唔可以睇表面既....

2008年7月15日星期二

呢排真系好忙啊!!!!

有位朋友好鬼死咁得闲, 一见我几日冇写BLOG, 又打电嚟问我系咪死鬼咗? 大佬啊, 你以为我真系写BLOG揾食咩.... 卖BRA揾食就差唔多...

冇计啦, 做工程呢行, 得闲就好得闲, 可以得闲到成日都唔知做乜好. 华巫英印四种新闻纸睇嗮都得, 但系一忙就忙到屙屎都唔得闲. 冇计啦, 下嗰星期天就要飞日本一嗰星期, 真系要搞埋D嘢先正撇得安乐. 返到嚟之后又有排忙起新机, 咪等到积埋积埋做死我咩, 真系做到光头都唔掂啊...

但系一捻到去日本, 又真系好开心, 因为我超LOVE呢嗰国家. 咪讲D卡妹啦, 环境就劲靓啦!! 虽然呢次系我第三次去, 但系真系百去不厌... 哈哈!!! 如果有兴趣睇我D相, 可以去我既FRIENDSTER度睇下架... 因为我仲未有时间搬到呢度嚟... 去FRIENDSTER 揾NARDO, 就可以睇我既卢山真面目...哈哈哈!!! 劲MAN啦.... 哈哈!!!

如果有咩问题关于日本既, 可以留言, 本人尽可能帮你解答...
下嗰题目我都捻住写我既日本经历.... 吃喝玩乐.... 劲正!!!
哎呀!! 成点钟架啦, 仲有大把嘢未掂, 下期见啦!!!..... 埋头苦幹.....

2008年7月4日星期五

台湾朋友既结婚相...劲!!!


















呢排真系俾D"大爷"搞到我晕, 呢嗰闹果嗰, 果嗰闹呢嗰, 果嗰呃人, 呢嗰又讲大话, 全部真系"废话废人", 一嗰字:"烦"!!! 不过, 今日就请我俾D"笋嘢"俾大家睇下, 轻松下啦!!!

各位, 依家你所睇到既相, 绝对唔系所为既"喊湿"相, 绝对唔系!

















我可发誓! 呢嗰系我台湾嗰FRIEND寄俾我既结婚相. 100%台湾制造. 点睇??? 我真系服得拒地好紧要, 搞到D结婚相咁靓又性感又有美感, 真系"世界第一等"!!!

不过话是话, 冇返咁相下身材, 你敢映咩??? 就算你敢映, 揸相机嗰位仁兄都未必敢映啦.... 未映先呕啦... 未映先走啦.... 哈哈!!! 映出嚟攞嚟吓鬼咩??? 哈哈!!!
其实, 呢两位台湾FRIEND同嗰摄影师好熟既, 所以先正敢做. 而且系嗰女摄影师添, 惊鬼咩... 不过... 我本人真系服咗拒地, 我咁靓咁FIT既身材, 都真系唔敢映.... 哈哈!!! 费事俾人睇赊嗮嘛...

















点啊??? 睇咗之后系咪有D冲动想映返辑呢??? 有意思可以联络本人, 我会叫拒俾嗰七折你, 不另收费.

















无论你系高矮肥瘦, 靓或是丑, 够胆就嚟啦! 留住美好时光, 如果唔系.... 唔通等到剿嗮皮, 冇嗮牙, 正映咩? 嗰阵真系映嚟吓鬼啰... 半夜敲门也不惊...哈哈!!!

2008年7月2日星期三

老虎国的故事: 第5集之屎拂鬼重生?

大件事啦!!! 沉睡咗十年既屎拂鬼重生咗!!! 系咪真架??
冇端端有条友话十年前既屎拂鬼搞拒喔, 系真系假, 真系要好好分析啰....

第一, 重施旧桥? 朝廷有冇咁蠢啊? 又嚟呢套?? 但系, 桥唔怕旧, 最紧要受哦.
第二, 风头火势, 仲搞埋咁既嘢? 唔得咩?? 呢排朝廷咁多事发生, 有"沙头角阿德哥"翻"廉政王"啦, 有"阿蒙被榨记"啦, 有"石油记"啦等等, 咁多嘢要交代, 不如放D烟雾, 搞D嘢呢转移视线, D嘢咪可以随便交代, 可能拖得咪拖啰.
第三, 自导自演? 都有可能架... 将件事搞得几大就几大, 引人注目, 自己可以加分, 有可以唱率朝廷, 都OK架....
第四, 真有此事? 都MAYBE架, 每个人都有其个人嗜好同"性取", 见条友嫩嫩地, 食得冇嘥嘛!
第五, 被人强逼? 或者条友睇到嗰屎拂鬼越老越风骚, 越老越有吸引力, 嗰欏仲保持得咁好咁FIT咁翘, 之前又有前科, 咪趁冇人霸王硬上弓啰...
第六, 又或者"吉仔"同嗰屎拂鬼有路, 俾"吉妇人"发现, 咪揾条友嚟砌拒山猪肉啰... 都有可能架....
第七, 又又或或者者, 嗰屎拂鬼果阵屙紧尿, 条友咁啱行过, 唔小心放咗落去呢.... 都OK架...
第八, 又又又或或或者者者, 条友屙紧尿, 屎拂鬼一时太急撞门入去屙, 点知唔小心插咗落去呢... 又都几OK架....
第九, 又再或者, 间屋太暗太黑, 屎拂鬼一时兴起要同老婆拾返挤, 点知拾错咗呢... OKOK架...\

以上咁多理由, 都OK架. 大家都系聪明人, 不如由你决定啦!!!