2008年6月28日星期六

艺人=伪人???

又好耐冇写BLOG咗, 有位忠实FAN屎打电嚟问: 喂??? 点啊??? 呢排死咗去边啊??? 冇写BLOG既??? 读你既BLOG好好玩好好笑好好享受啊!!! 大姐啊.... 唔驶做咩.... 你以为我好似你咁, 唔驶做, 有得食咩.... 梗系啦.... 你系事头婆喔.... 我地D打工仔.... 手停口停哦.... 你以为我真系靠写BLOG揾食咩.... 纯属兴趣.... 发泄用途.... 分享大城小事.... 咁玩票性啑...... 最重要系吹水!!! 哈哈!!!

咁次想吹下D娱乐事件.... 就系D艺人.
今事今日D艺人, 系咪真系"艺人", 亦或系"伪人"呢??? 等我嚟逐件数....
先讲嗰孖公仔"阿焦"啦, 真系世估唔到拒咁"放"既, 真系令我呢一旧饭跌嗮眼镜.... 睇拒平时斯斯文文, 世估唔到拒"内里斯文, 外里OPEN". 唔驶我讲, 睇过嗰批相既人都洒手令头啦..... 之前就响"山顶"演唱话被人偷拍, 依家捻深一层, 系咪咁既先??? 亦或系煲水新闻博宣传???报道仲喊嗮咁既款, 话以后点见人哦!!! 仲搞到嗰娱乐圈搞示威, 依家捻到都好笑, 全世界都被拒呃咗添. 哈哈!!! 其实呢嗰孖公仔, 我个人比较钟意嗰"阿洒"多D, 感觉上拒比较真啰....

再讲嗰靓仔CEO啦, 我本人真系服得拒好紧要, 咁多靓女咩咩过..... 真系羡慕死我啰!!! 真系全世界男人既偶像!!! 全世界既靓女既杀手!!! 真系男人界既超级好榜样!!! 我一旧饭私人向你致敬!!! SALUTE!!!

再讲果嗰"牛华", 我私人真系冇乜"扐"拒, 总系俾我"好假"果嗰FEEL. 呢排真系假到离谱, 响嗰乜乜救灾表演结束时, 竟响众人前面"跪低"多谢. 哇!!! 驶唔驶啊.... 大佬..... 真系睇到都打冷震!!! 嗰排已经听讲拒拍靓戏一定要挣嗮做第一男主角, 呢排仲传闻拒拍戏扮嗮大佬, 指呢样, 指嗰样... 我真系想同拒讲: "牛华", 你变咗......!!! 虽然如此, 但系我真系佩服拒既努力与奋斗史.

再讲果嗰"劲嚣", 喊包"基基", 女同志"晕尸", 爱戴帽既"汁甜"等等, 真系讲都唔嗮.... 有时睇到当今咁既嘢, 真系叹三声...... 唉...唉....唉........ 真系"伪人"多过"艺人"啰....

都系钟意"亦信", "阿飞", "加区", "霉姐" 同"哥哥"多D, 冇他既, 拒地够真啰!!!
"亦信", "阿飞", 加油哦!!! "加区", "霉姐", "哥哥", 好怀念你地哦!!!

2008年6月22日星期日

香港的学生....型!!!

突然睇到张二零零三年当我去香港玩时, 我香港嗰朋友, 拒系一位老师嚟, 俾我睇拒嗰学生既试卷. 我睇咗之后, 唔知好笑好就好惱好, 咁都得??? 哈哈!!
拒同我讲, 依家D细佬真系劲恶搞啊, 中学系咁, 小学都系咁. 唔知系咪睇多拒地D港产片多, 亦或真系受到D黑社会影响, 因为香港地D呢家嘢真系唔系讲笑架. 虽然, 冇电影D咁离谱, 立嗮"架鑶"开嗮片嗰只, 但系都唔讲得笑架..... 尤其D屋邨区, 篮球场, 足球场, 正系拒地D蒲点.
点都好, 希望呢位吴文乐小朋友可以及时"回头是岸福无边"吧......

2008年6月20日星期五

啃他鸡!!!

第一眼睇间嘢, 唔觉得有咩唔托, 再睄多眼, 咦??? 唔系喔.... 间嘢系咪写错字啊??? 点解咁既??? 再望多眼嗰"老嘢", 唔系喔..... 光头既??仲亲埋嗰黑色须既??? 唔通我睇错???

冇错!!! 真系冇错!!! 真系唔同间"愿装鸡店". 呢间嘢系响内地既. 所以话, 鸡唔怕红, 至怕拒唔红. 内地真系冇其不有, 可以抄到99.9%既鸡店都得.


我本人系间"原装鸡店"既FAN屎, 以前每嗰礼拜都要去"叫鸡"餐食, 但系依家就冇啦, 人老咗, 少食D煎炸嘢好.... 加上STAMINA又冇当年咁好咗.... 咦??? 食嘢驶鬼STAMINA咩??? 嘻嘻.... 对唔住.... 捻到其他嘢添... 哈哈....


除咗价钱平D之外, 味道直头冇得嚟啦.... 不过拒既DESIGN同真嗰只真系有唔同之处喔, 就算拒抄足99.9999%, 你都告拒唔入既.... 横掂呢嗰都系嗰抄抄世界啦, 我抄下你, 你抄下拒, 拒又抄返下我咁, 有咩大问题呢??? 总之.... 啃得落咪啃啰.... 都话咗叫"啃他鸡"嘛.... 哈哈!!!

2008年6月19日星期四

一日六餐既CAP

几日冇写BLOG, 因为去咗KL某间三星级酒店三日两夜开会倾新计划, 有大单嘢要做....真系想做死人咩.....
新计划名为CAP, CHANGE ACCELERATION PROJECT. 点翻译去中文呢??? 有冇人教我啊???
总之系D乜要改变D新嘢咁啰. 今年要为公司慳钱, 如果计划成功, 真系每年可以慳至少一百万. 希望成功啦, 都会有D成就感嘛....

不过三日两夜斋开会, 真系第一次, 仲每日开到凌晨一点嗰只, 真系好攰..... 攰过做工嗰只.....
最值得安慰既, 就系D食物, 仲一日六餐嗰只, 哈哈..... 唔攰死都饱死啦... 痴线咩..... 不过话是话哦, 呢间CHEAP CHEAP 地既酒店, 间房我都唔系几满意, 幅墙仲有D邋遢嘢添, 不过D食物真系得喔.... 我都出咗名嘴叼架啦, 我都唔嫌, 真系得喔.....

三日总共食咗拒十四餐, 由马来餐到中餐, 到西餐, 到泰餐, 到海鲜餐, 再到返马来餐, 再加甜品, 哗!!! 真系唔想肥都几难. 胆固醇唔高就有鬼啰....

点都好啦, 食咗先正算啦, 因为食咗之后, 暴风雨将来临....做X死你!!! 捻到都惊!!!
下嗰月尾会再去日本一趟, 返呢之后就..... 就忙到屙屎都唔得闲啰..... 两嗰PROJECT要做到年尾先正可以休息.... 好阴公啊!!!! 冇计啦, 得闲捻下花红自我安慰啦.... 哈哈!!! 仲有半年之嘛... 哈哈!!!

2008年6月15日星期日

父亲节之忆老斗记

今日系一年一度既父亲节, 响街见到嗰嗰HAPPY FAMILY咁, 真系登拒地开心, 但系我都已经25年冇庆祝呢嗰伟大日子啰....

七岁嗰年, 老斗因为食物中毒, 对脚唔行得咗, 妈子就孭起成头家咗, 响屋企前面摆档卖粉, 千祈咪误会, 唔系索嗰只, 系食嗰只. 老斗顶咗两年, 就要走去卖"咸鸭蛋"咗. 当时我正得九岁, 我排最细, 哥哥姐姐都出嗮去揾食读书, 剩底我同妈子响屋企啰....

老斗病嗰时, 都会时不时同我拄棋. 为咗拒, 成家人都挨苦..... 医药费嘞嘛.... 仲要服侍拒哩.... 不过我地全都冇怨言, 拒系老斗嘛. 仲系嗰识武功既老斗添! MAYBE讲你都唔信, 我老斗真系中国少林弟子, 不过冇出家嗰嗰啦. 拒真系中国过嚟架. 嚟到呢度响D会馆教功夫, 教戏班, 跟住仲响家度做D铁打生意. 我有嗰FRIEND拒老斗就系我老斗嗰徒弟, 唔信你可以问拒: 沈X辉既老斗沈X水.

记得老斗生前有好多D练功武器, 但系拒走咗之后, 家人惊冇"礼申"喔, 咪托人将D嘢丢嗮落河度, 依家捻到就觉得可惜..... 包括有关刀, 三节棍, 长矛, 大刀等等. 仲记得有本"功夫秘级"同埋"中药秘级", 到依家仲俾我大佬收埋唔知响边. 最遗憾就系我家人竟然冇一嗰学到拒D功夫, 因为我大嗰D全部都系阿姐, 得一嗰大佬又冇兴趣学, 嗰时候我又得斗靓咁细, 咪搞到失传啰.... 真系好可惜.....

除咗武功, 拒最拿手就系唱嘢, 乜嘢啊? 粤剧啦...... 几种乐器都拦唔到拒. 有时仲搞到自弹自唱, 仲作埋曲, 填埋词嗰只, 问你惊未??? 妈子好似仲收住几柄老斗录嗰带, 拉小提琴, 自弹自唱. 如嗰拒响呢嗰世纪, 肯定红过JAY CHOU, 劲过力宏, 哈哈..... 老斗!!! 我永远支持你!!!

真架, 我讲既嘢全都系真架. 唔通我攞我老斗嚟开玩笑咩..... 得闲睇下仲揾唔揾到拒D练武相, 哥哥好似仲有KEEP住. 到时再证明俾大家睇. 你信唔信都好, 记住, 珍惜身边所有人, 就算老斗老母几恶几打你几闹你都好, 拒地都有权咁做, 因为冇拒就冇我地, 最多咪法庭见. 哈哈!!! 点都好, 边嗰老斗老母唔锡自己既囝囝囡囡架? 你话系咪?? 点都好, 有拒地响身边一日, 日日都系父亲节母亲节啦, 驶鬼一年正庆祝一次咁多哦??? 出去庆祝又多人又贵, 经已商业化啦!!! 冇俾人赚啦, 油贵啊!!!

不过, 明年我可以庆祝啰, 千祈冇误会唔系我老斗会翻生, 而系我就快做老斗啦!!! 哈哈!!!YEAH...!!!
各位, 希望你地有嗰开心既老斗节: HAPPY FATHER'S DAY!!!

2008年6月14日星期六

我的美国好友:大头!!!


响美国已有段日子, 识既人都唔少, 但系最好, 最有情有义既, 最为朋友着想既, 就非呢位人兄莫属啦. 拒简直系罕有品种. 单睇拒既身材就知拒几坚啦! 加埋支枪, 哗!!! 简直型过"华人癫佬" VALENTINO, 劲型啦!!!
讲开又讲, 拒当兵系同影星TOM CRUISE同一组架, 拒仲透露当兵时TOM经已日演夜演, 仲吵鬼住拒瞓觉添. 冇计啦, 鬼叫大头自己又唔识演咩. 唯有忍, 忍都拒红咗之后, TOM又话识都唔识拒, 哈哈... 抵死!!!
咪睇拒咁劲FIT既身材, 其实拒自细就有练架, 练D乜啊? 讲你都唔信, 拒竟然系练芭蕾舞大架, 真系唔系讲笑架. 先先我都唔信, 都拒耍几招过我睇, 我真系跌嗮眼镜, 仲SHOW嗰一字马我睇添, 真系担心拒爆缸啊...哈哈...拒仲代表过美国去台湾嚟过中华舞蹈比赛, 仲得到亚军添....
除咗才华横溢之外, 拒更系义气子弟, 朋友有难, 一定帮到底. 有靓女都唔溝, 俾埋你溝, 所以咪搞到依家都系一支公, 但系绝对系钻石王老五哦.... 虽然.... 依家拒身材都已大不如前..... 头发亦都......同我差唔多...... 六旧胸肌都已经"复合".... 但系大头, 我要话你知, 我永远都唔会忘记我地一起走过的日子, 一齐唱"坚持到底"挨日子.....
大头, 你是最好的, 你知道吗??? 你是最好的!!!

2008年6月13日星期五

"帮岛"之血光之灾!

事情发生响四年前既农历新年............
响外国揾食咗咁多年, 返嚟过第一嗰新年, 趁住又咁多假期, 咪捻住约埋班猪朋狗友去咗几出名既"帮岛"玩, 合指一算, 都有十几年冇去咗......又贪嗰度近嘛....响我乡下驾车一粒钟出就到....
好啦! HOTEL BOOK 嗮, 人数齐嗮, 起程啰!!!!

到咗HOTEL CHECK IN之后, 我地咪9秒9咁极速飞到迷人既海边.....
蓝天白云.....碧海无边.....劲诗情画意....
刹时间捻到我偶像家驹既嗰....... 海阔天空.....劲伤感, 劲不羁, 劲流浪....
好快, 我地就"MOK嗮衫裤MOK嗮鞋", 游水啰!!!!!!!!!!!!

唔驶几耐, 我地已经玩转海滩, 乜嘢公蕉船啊, 乜嘢水上单车啊, 玩到尽....爽!!!!
到最后咪玩游水, 我游, 你游, 拒游, 大家游..... 享受大自然既感觉.....
玩到攰啦, 咪吹鸡拉大对返归, 准备今晚食海鲜啰.....
就响我地点名计人既时侯, 咦??? 唔见T君既???? 条友去咗边啊???? 搞边科啊???? 我地成班人都好担心拒会出事, 因为嚟之前拒同我地讲, 拒家人帮拒算过条命不宜玩水..... 拒系瞞住拒家人同我地嚟海边玩架...... 唔通..... 真系好既唔灵, 丑既灵????

就当我地为咗拒呼天唤地之际, 拒突然间好似只水鬼咁响水里边蒲头出嚟......
我地只见拒嗰样劲残, 头顶仲有D血迹添, 咪即刻走过去睇吓发生咩事....话嗮相识一场, 唔通睇住拒死咩.......
走近D睇真D望真D, 咦...???!!!! D血嗰度真系有D嘢哦!!!!!
再睇真D望真D, 咦....???!!!! 系白色嗰喔!!!!
再睇真D再望真D, OH SHIT!!!!!!!!!!!!!!!!!!!
系"日本面包"姨妈巾!!!!!!成块嘢痴响拒把长发度!!!仲系用过嗰只添!!!(注:T君系留F4D长发男, 无他既...嗰时兴嘞嘛! 呢次真系唔通唔F4啰...)
真系大吉拒即利是啰....新年流流咪搞埋D咁既嘢啊....真系贪利是咩.....而且仲系痴顶嗰只...真系今晚头票都有得拒中啰!!!!

好心啰...乜鬼地方嚟架??? 乜鬼国家嚟架??? 仲讲要搞埋D乜VISIT YEAR???!!! 搞好嗰地方先啦.... D人又系既, 好丢唔丢, 竟丢啰嗰海度, 有冇搞错啊??? 照我睇哩, BEFORE搞嗰乜VISITYEAR先哩, 嗰政府应该先嚟嗰"深海寻巾"计划. 免得我嗰朋友T君以后真系有阴影.... 不宜掂水加埋嗰日本面包, 仲边有勇气再游水啦...你话系咪先????

2008年6月10日星期二

老虎国的故事: 第4集之"老伯"VS"老马"第二圈

话说第一圈话咁易就俾廉政王"易事WIN"啦, 咁就嚟第二圈啦!!!

"老马"在位时, 都遇到唔少问题.....最令难忘既...都有几嗰.....
响经济唔好时, 拒竟然建议攞D洋灰嚟做马路嚟谷老虎国D经济.我睇都系天下第一单咁既嘢都讲得出, 唔俾人笑死都笑都面黄啦!!! 点知.....???结果....???行得通哦!!!!! 洋灰生意大好, 建筑业有得捞, 运输业有车开, 人人都有工开哦....你吹咩???
响金融风暴时, 亚洲货币无一倖免, D银两好冇价值, 好似食错嘢肚屙咁, 泻到脚都软....唯独"狮子国"企得稳DD. 拒又嚟一招"以不变应万变"嚟控制"老虎国"D银两, 又即刻俾人笑都面黄, 点知.....???结果.....??? 又得哦!!!! 即刻"止屙"哦!!! 又得哦!!! 你吹咩???
好啦, 都有笼内鸡"华记"作翻, 要翻拒啦, 拒又嚟一招"走后门"嚟返打"华记", 屈打成招. 虽然, 俾唔少人唱衰拒, 仲搞D"乜火唔好黑"D咁既嘢游街, 但系又俾拒摆平.....你又吹咩????
所以话呢, "老马"几时都有拒既见地, 唔同既睇法, 仲睇到好远添!!!!

讲返我偶像"老伯"嘞嚄......拒仲犀利......
食物风暴, 冇米? 咪帮隔离买啰, 冇糖? 咪饮少D啰, 对身体冇益嘛.... 冇面粉?? 咪食少D啰.... "老马"既面包铺咪执鬼左拒啰.....
石油风暴??? 有乜咁大不了??? 人地起, 我地咪跟啰..... 驶鬼吵咩???
咪鬼吵住拒同新"老"娘子蜜月期啦....
ANYTHING, JUST FOLLOW 啦!!!!
认真金牌FOLLOWER!!!

咪所以话啰, FOLLOWER几时都咁好做, 咁清闲....哈哈!!!
呢一局, 唔驶问, 梗系又系拒赢啦!!! 好嘢!!!!

跟据探子可靠消息回报, "老马"每次飞出国开会, 梗带埋D精英一起去, 一飞就同D精英开会, 各自上网揾资料准备开会, 免有差错;
咁"老伯"都一样....一样带D精英去, 但系一飞就各自瞓觉, 免得等阵开会"放蚊"(眼瞓)嘞嘛...
哈哈!!! 咁都得???

2008年6月9日星期一

老虎国的故事: 第3集之"老伯"VS"老马"第一圈

今集讲返我既新一代偶像"廉政王", 我真系要好好地表揚拒一番.
相比之下, "老马"D兵喂石桥, 孖疯塔, 吉龙塔, 吉龙国际基场, 步特啦宫, 塞宝再呀宫, 薛蚌赛马场等等, 大家都系有目共睹既, 绝对冇吹水成份, 话出必行, 实在打响"老虎国"系国际既朵. 因为"老马"实在好悩全世界都识芝蔴咁细粒既"狮子国", 都唔识蕃薯咁大既"老虎国". 咪话拒啦, 我都悩啦....

相比之下, "廉政王"D PROJECTS......就........系.......OOPS!!! 拾时捻唔到添!!!哎呀!!!有啦!!!
1) 国际贪官指数排名跌....
2) 京城大书馆国际排名又跌.....
3) 波会国际排名又系跌......

咪咁啦, 乜都跌, 梗有D嘢起既.....
1) 油价起...
2) 糖价起....
3) 面粉价起....
4) "火"价起.....
5) 日用品全部都起.......
唔错唔错, 起多过落.....值得恭喜恭喜.....

咪咁啦, 人地都有用几十亿送条友去天空嘛....多有打响我地既朵嘛.....
哈啰!!! 醒下好冇....果嗰"飞天计划"系"老马"架!!! 拒只系FOLLOW UP之嘛....

咁人地都用几十亿嚟买D潛水艇嘞嘛...
吓??!! "老虎国"有仗打咩??? 同边嗰打啊??? "狮子国"??? 暹罗??? 抑或系印印国???
边嗰要打老虎啊???!!! 鬼得闲打你咩.....买嚟射水鬼咩.......???

SO, 第一圈, "廉政王"胜!!!!

2008年6月7日星期六

开波啰!!!!!!

万众期待既欧洲杯今晚即将开波!!!
其实我都系波迷之一, 捻下....我睇波都睇咗.....9年.....
我梗系有自己钟意既球队啦....但系我系唔会话俾你地听既......费事俾你地笑我....哈哈...
曾经有嗰女朋友问我, 有咩好睇呢??? 二十几条友为咗粒波走嚟走去....
哈哈!!! 呢嗰咪足球既迷人之处啰...... 你捻下, 几辛苦先正入一粒波, 梗系开心啦!!!! 边度似其他D SPORT, 系又入唔系又入波, 咁简单边有瘾啊!!!??? 你话系咪啊???
但系咁既社会, 咁既时代, 梗系有大把人赌波啦.....记住哦, 小赌娱情就好, 最好就冇赌啦.....
点解呢? 请睇以下片段:

有次同班朋友睇波, 哗!!!!大决赛, A队领先2-0, 最后五分钟, B队竟然打翻两粒2-2摆平!!!!结果九十分钟仲分唔出胜负. 有位仁兄放波当场"谢"过谢霆锋.......
进入加时赛,仁兄决定再攞A队, "再放再励". 点知开赛僅三十秒, A队竟然30码又世界波劲射入波, 仁兄即刻牙擦擦, 大声话: 连本带利SURE WIN!!!
果然??!! 踢到百一分钟, B队后卫严重犯规, 球证直指十二码兼见红!!! 十二码罚球劲射入波!!! 4-2!!!
全场A队支持者即刻鬼唸咁吵!!!! 咁又难怪既....净返十分钟, 又打少一人, B队点打啊??? 点翻盘啊???
嗰位朋友仁兄即劲嚣, 即刻响间PUB敲钟大声话呢嗰ROUND拒既!!! 认真劲嚣, 嚣过张敬轩: "张劲嚣"!!!
过咗三分钟, 出咗酒之后, A队门将竟大意送大礼, 直传俾B队前锋, B队前锋轻松将波轻推入网, B队攞返一粒4-3!!!! 咁既时势, A队全队十一人倒退后防, 希望拖到百二分钟咪可以捧杯啰..... 果然!!! 百二分钟过嗮啦....进入补时第三分种, A队后卫禁区竟然有意冇意咁HAND BALL!!!! 球证又直指十二码!!!
呢嗰时候, 全场静过图书馆, 蚊呼吸都听到啊..... 终于....B队低推入网...4-4!!!! 入波之后, 球证即刻劲吹鸡, 进入罚球阶段..... 嗰位仁兄块脸白过白韵琴, 又谢过谢霆锋...... 睇拒又唔信邪, 又再攞A队十二码赢.....好啦, B队踢先.....两队粒粒入, 一直去到5-4决胜负啦, A队队长劲射中门边柱劲弹出...5-4!!!! B队竟然扭转乾坤, 捧杯!!!!!!!!!!!!!!!
曲终人散啦......嗰位仁兄连输三注, 我睇拒成嗰月都瞓唔觉架啦....最好拒冇死啦.... 有嗰朋友问我, 你信唔信刚才嗰粒波系故意射中柱啊??? 我捻都唔驶捻就答: 信!!!!!!!! 100%信!!!!!!!!! 拒怀疑同我讲, 有冇咁犀利???? 梗系有咁犀利啦...大佬啊, 人地系踢转业架, 拒地踢波每日既时间同你我返工既时间一样咁多架... 你响OFFICE度打紧电脑,拒就系草场度踢紧波啊,你话有冇可能啊???
DAVID BECKHAM攞车呔嚟练波架, D车呔嗰嗰吊住三十码距离, 拒就粒粒射入, 你话劲唔劲啊???死未???
拒又问我, 咁系咪场场波都踢假波啊???
咁又唔系......你知唔知点解啊??? 你睇下粒波咪知啰....
点解足球D颜色正系黑白啊??? 咪因为拒地有时踢真波, 有时踢假波咁解啰.....
我又问拒, 咁你又知唔知点解每半场一定系45+1分钟啊??? 拒话唔知. 等我话你知啦, 22嗰球员加埋球证总共有几粒"波"啊??? 咪四十六粒"波"啰...一"波"一分钟, 所以咪45+1分钟啰...哈哈!!!!

老虎国的故事: 第2集之漫天烽火

话说"廉政王", OOPS!!! 系"邋遢王"正啱, 大败五州落响"翻清复明"既"联花会"之后, 甚至京城都沉沦埋, 令在朝者脚都软埋, 有D跤脚玩失踪, 有D玩烧文件, 有D玩将盆串转户口.....

一嗰字形容嗮拒地: 乱!!!!!!

其实我不得不佩服老伯既....咁嗰时势, 竟然仲敢向"翻清复明"既"莲花会"挑战, 除左心口有嗰"勇"字, 咪嗰额头仲有嗰"蠢"字啰....

结果搞到朝内既四大门派: "巫"当派, "华"山派, "印"夌派同埋嗰"民"城派大败!!!!

"巫"当派仲OK, 其他三派真系输到"冇鞋挽屐"走......

最惨就系"民"城派, 俾"联花会"既"箭"斗派狂风扫落叶, 万箭穿心, 连城池都冇埋.....全军覆没.......
梗系啦, 身为一门之掌既"嘘"大人, 乜鬼嘢都走去问老伯, 上京啦, 捡新揸FIT人啦, 都揸唔定主意, 乜鬼都走去问"巫"当派既老伯, 死有如故, 唔输就有鬼啦......

虽然如此, 但系我都好尊敬拒地既掌门人:" 嘘"大人.

因为拒好"GENTLEMEN"咁投降, 仲好GENTLEMEN大大方方咁交支军旗俾人. 好!!!!! STEADY!!!!

第二惨败既"印"夌派, 掌门人"叁"大人, 亦都系输埋, 呢嗰消息应该好多平民百姓都好开心, 因为D买路钱同埋D朝廷D建筑物都应该有D保障既....鬼叫拒唔帮D同胞响监入面放出嚟咩.....无端端拉拒地入去坐花厅搞咩.......真系冇阴公......人地都有家人架嘛......

最好笑系衙门嗰总司令话呢班人同埋D"孔步派"有联系....哈哈...拍戏咩???我睇拒真系睇得戏多.

拒有唔话同UFO有联系???!!!咁咪仲激D!!! 哈哈.....

至于"华"山派, 虽险胜, 但系就内战爆发......

掌门人"王"大人玩左咁多年, 有D攰, 讲唔玩啦!!! 就交俾拒大佬玩啦....同一样嘢, 换嗰大佬玩...哈哈!! 有意思..........


待续.....

2008年6月5日星期四

老虎国的故事: 第1集之廉政王!!!!

话说从前, 有嗰国家叫"老虎国", 嗰度有嗰了不起既首相: 老马. 在他统治之下, 国泰民安, 丰衣足食, 安枕无忧. 虽然有小数人不满拒D所作所为, 但系"老虎国"有今日, 真系全靠呢位大人架.... 但系青春不留人, 自有留人处, 年时已高既拒, 唯有忍辱偷生....OOPS!!! SORRY...系光荣引退正啱.....
弊就弊在拒跟本都冇啱既接班人, 新既揸FIT人.
啱嗰D唔系出走, 就系背叛拒, 另起炉炷.
千捡万捡, 终于捡到嗰"廉政王"老伯上位.....恭喜恭喜!!!
就系大众百姓99.99%接受拒, 欢迎拒之际, 皇妃突然驾崩!!!!!
唔紧要....小事啦....以为拒练"伤心断肠剑"之际, 咦!!!!! 拒竟然早有准备, 嚟嗰第二春哦....问你死未??!!
拒更将私底下D大单嘢, 弹嗮俾D拒D亲信.
大权在手, 拒同班新揸FIT人竟然患上"大头症"呢嗰绝症哦....
拒唔识"伤心断肠剑"唔紧要, 拒班手下竟然识"HE-MAN举剑"嚟回报万民.
更精彩仲有, "天外飞仙"都嚟埋回报万民: 过路税"飞天", 油价"飞天", 万物价"飞天". 太精彩啦!!!
仲有D"烂口症"D手下, 污辱人民百姓, 尤其是女性....
仲有嗰"俯马爷", 简直不知所为, 胡言乱语搏出位, 简直天大笑话!!! 哈哈!!!
终于...."廉政王"就变做"大话王". 成日开会瞓觉就变"瞓觉王".
好快, "翻清复明"既"莲花会"横扫五大州, 令在朝者脚都软埋, 有D跤脚玩失踪, 有D玩烧文件, 有D玩将盆串转户口.....

待续......

飙油记!!!

唔驶问阿贵, 今日既话题梗系马来西亚油价啦.....
"岩岩净出街返嚟, 半夜三更, 梗系唔系去SHOPPING啦, 咪同人地一起趁热闹去排对入油囉....."
马来西亚既朋友, 今晚真系热闹啰.....朋友打电俾我话, 间间油站都爆嗮棚....
唔系夸张, 成千上万既车从五点开始到半夜, 都塞满响D油站度.....
咁有系既, 从表面上看每公升RM1.92到RM2.70, 有无搞错啊???有边嗰顶得顺啊????
起幅为41%, 有无离谱D啊?????
尤其是马来西亚系一嗰出油国, 有无谱卖都咁贵啊?????
再加上本地卖D净系次货, 好嘢都卖嗮出嗮口啦.......
嗰政府真系食屎噢饭既, 仲敢敢同D唔系D出油国嚟比, 当D市民白痴咁.
又唔同D中东, 汶来比??!! 傻傻地.....
有话津贴500几亿政府好辛苦, 话呢样话嗰样, 咁依家无津贴咯, D津贴钱500几亿又去左边呢????
唔通....???!!!! 恭喜发财!!!!!恭喜发财!!!!!
恭祝首相, 合家富贵荣华......恭喜恭喜!!!!
恭祝副首相, 合家荣华富贵.....恭喜恭喜!!!!
再恭祝各位部长, 年年有"金"日, 岁岁有"金招"....恭喜恭喜!!!!
更希望拒地, 食得瞓得玩得, 半夜敲门也不惊.
平民百姓都要, 俾得挨得顶得, 做工就: 半日松人也不得.
咩嘢都起, 就系人工唔起, 吹咩??!!
最后, 小弟在此希望各位"节哀顺便"啦.......
明天仍要继续......"升"!!!!!

2008年6月3日星期二

赈灾风.....

近来无论打开报纸, 电视, 电台甚至电脑, 话题离不开"赈灾"呢两嗰字.
其实真系件好事嚟既......
最令我感动既系大陆嗰位"脚唔方便"嗰位同埋"长头发污浊邋遢"嗰位仁兄.
唔知各位有无睇过呢???
拒地真系令我感动都喊!!!
虽然身无分文, 但系都将"成副身家"捐出去.......
第二日又带"成副身家"再捐出去.....
嗰果画面....简直"哔"晒我D眼泪出嚟.....
虽然平时既我有D咁爹"口抹横飞", 但系"我本善良"既....
我比起呢两位仁兄嚟讲, 简直"蚊臂同牛臂"啦....

除左捐款最实际之外哩, 其他我都捻唔到仲有咩咁实际....??!!
捐血啦....都唔错既....
明星歌星奋身解数作多两首歌???(听到都惊!!!)
抑或誓死要到灾区帮忙???(可以既话, 不防带埋LV啦!!!)

真系唔该帮帮手, "收手啦....".
真系希望千祈咪MISS USE呢D嘢啦....

仲离谱嗰都有, YOUTUBE竟然有条叫"张雅"既辽宁妹竟然自拍上网毒唠四川人....
OH MY GOD!!!! 唔系嘛???!!! 自己友唠自己友???
仲话拒地全部低死.....简直惹屎上身, 人神共愤.....把口仲臭过嗰屎坑...
仲衰过嗰鬼婆XXXX STONE.....虽然拒已经道歉......

各位得闲不防去嗰度睇睇, 如果你唔惊你自己悩既话....

2008年6月2日星期一

简单又隆重???

好耐无参加D婚宴, 因为我咁嗰年纪, 嫁都嫁嗮, 娶又娶嗮, 净低D箩底橙唔系讲无, 不过实在有限.
咁岩嗰日有嗰朋友既朋友即朋友.....唔记得边嗰.....咪有机会去左嗰小镇饮囖....
唔驶问, 例排D嘢: K台, 大衿姐, 司仪, 劈CAKE, 劈酒, 玩新人, "饮............饮..........饮.........饮饮饮........胜................."鬼杀咁吵D场面梗系唔少得啦. (我真系唔明饮杯嘢都要饮咁耐.....唔攰既咩????)

就响上台敬酒紧张既时刻, 大会司仪爆出一句: 多谢各位百忙抽空俾面嚟饮呢对新人准备"简单又隆重"既婚宴.......++++

吓????!!!!咩嚟架???!!!!
简单又隆重?????!!!!!乜唔系反意词咩?????点解可以痴埋一齐用既咩????
我中文虽然唔系好好, 高中净系拿到嗰A2啑......(SHOW SHOW 时间!!!唔好意思!!)
如果可以, 咁我咪可以讲以下既嘢??:

肥胖又掹鸡既伴娘???
难听又劲琳既情歌???
简单又劲CLASS既汽车???
丑陋又劲索既新娘???
年青又老饼既亲家???
安静又鬼咋既婚宴???
难食又美味既菜肴???
痘皮又靓仔既新郎???
低贱又高档既宴会???
难饮又顺口既美酒???
失败又美满既婚姻???

借问声, 咁样讲,得唔得先???

2008年6月1日星期日

想当年的一旧饭.....

无知无觉, 突然揾到八年前同班猪朋狗友去曼谷玩D相.
其实我都无SOFT COPY既, 系其中一位仁兄(新加玻超好友: 大头大卫)SCAN左再EMAIL俾我.
真系好感激拒!!! 但系好可惜只有几张唧.....要多拒都唔俾.
睇到张相感触劲多....想当年我真的太FIT啦!!!!

想当年, 我腰围只有26寸;
想当年, 我跳舞傲冠全场;
想当年, 我带波过6嗰DEFENDERS劲射入网;
想当年, 我系公司羽毛球双打亚军;
想当年, 我一Q单只眼都可以清枱;
想当年, 我PRE-U接力赛4X400M冠军;
想当年, 我公司唱K我攞冠军;
想当年, 我头发多过我屋企对面嗰草场;
想当年, 我女友多到要预约;
想当年, 我一晚可以执四挤;
想当年, 一千几百, 当系垃圾, 一万几千, 过眼云烟.
依家??????
除左唱歌仲听得下, 其他都...........无提啦.....
提到就想喊......

不过最值得安慰, 我仲活着.
只要活着, 就是精彩.
珍惜生命, 珍惜周围既人, 就算少D富贵, 其实都几开心架.....

一旧饭的开始.....

已想有自己既BLOG好耐啦.....但系系咁拖..系咁拖...拖左N年...睇到身边D人, 似乎系人都有, 连D白痴前州务大臣都有, 我系人, 又叻拒咁多, 点可以无啊!!!!
尤其是呢果时代如果无咁就真系OUT都痹啰....盏俾人笑死...
捻喱捻去, 咪搞笑, 挨眼瞓都死嗰BLOG出喱啦....
有无人睇系其次, 有时吹下水, 发下泄都OK架.....
到时睇下边嗰咁有TASTE屎识欣赏我D文采....揾我一旧饭写散文, 做编辑都无定哩...哈哈....
点解我名叫"一旧饭"???
话说当年我死蠢, 咁我妈成日都闹我"一旧饭"咁....
听下都几动听, 几有意思, 几有亲切感, SO咪用啰....
老实讲, 真系几OK架!!!!