真人鬼事之宿舍1

停咗两嘴真人鬼事之后, 我又返嚟啦!!!
今期要同大家分享所有宿舍遇鬼事件!!! 有我同我家人同朋友既真人鬼事!!!
首先, 我要同大家吹下我家姐既事件先!

还记得当初拒跟拒既男朋友, 亦都系我依家既姐夫, 去D森林做建筑既时候....
响D森林度做建筑, 梗系住响D临时木屋啦...
有一嗰傍晚, 我姐响间宿舍度煮紧晚餐,
望出窗口不远处, 见到有嗰"白衣人"企响度, 完全睇唔到拒既样....
当我姐回一回神既时候, 嗰"人"又唔见咗...

结果, 当晚晚餐之后, 我姐就发冷发热, 即刻病到晕陀陀...
半夜突然仲一直叫: "冇啊!!! 唔爱啊!!!"
我姐夫即刻送拒返到我地屋企, 拒仲系好似上咗身咁, 一直叫"冇啊!!! 唔爱啊!!!"
发晒颠咁叫, 讲D唔知乜听唔明既话, 完全唔认得我地!!! 吓到我地嗰嗰脚都软....

我妈就即刻攞D饭加水, 再攞三支香, 对住拒又洒又拜!!!
口中念念有词: 唔该...咪骚扰我女啦...唔该....
讲又神奇哦, 唔够五分钟, 我姐即刻瞓响张床度, 软晒静晒...
一直瞓到天光....

醒咗之后, 拒好渴, 一直要饮水... 好攰....冇晒力....
问拒沉晚究竟发生咩事, 拒讲真系唔知发生咩事哦...
拒讲拒正系记得....就当拒病到七彩既时候, 瞓到半夜.....
拒蒙蒙查查之中, 见到有嗰人...就系头先果嗰"白衣人"...
攞住碗嘢, 嚟到拒既前面...笑住同拒讲....
"嚟啦....我喂你饮汤啦....."