真人鬼事之宿舍4

读完政府课程, 为咗再读, 唯有半工读. 朝早返工, 放工去读PART TIME.
为咗方便读书, 咪同家姐一齐租咗CHOA CHU KANG CENTRAL, LOT ONE SHOPPING MALL边皮既NORTHVXXX私人度假式公寓(请睇以上既几张相). 环境真系一流! 而且我地仲系住顶楼既PENTHOUSE! 真系"正"!!!

我, 家姐, 姐夫同拒表弟好开心咁搬入去, 先先果几日都几开心, 日日游水, JACUZZI SPA, 周末仲叫晒D朋友嚟游水喝酒烧嘢食添! 点知之后就开始怪事连连....而我同我姐, 就系受害者...

PENTHOUSE式, 三间房全部响楼上, 而我果间房, 就响厕所边.
大厅, 食饭厅, 士多房, 工人房, 厨房全部响楼下.
我不喽都惯咗夜瞓, 冇两三点系唔瞓既. 因为又要做嘢又要读书了嘛...

有一嗰半夜两点几, 我听到厨房有人洗嘢...
第二晚又系咁既时间, 我又听到厨房有人洗嘢...
第三晚又又系咁既时间, 我又又听到厨房有人洗嘢...
结果, 到咗第四日, 我忍唔住问拒地: 哇!!! 边嗰咁食得啊? 晚晚宵夜啊???
结果, 全部人MAK大嗰口望住我, 冇人煮嘢食啊!!!
我当场傻咗咁兼毛管栋.....唯有讲俾大家听啰...

果晚, 又系咁既时间, 我又听到厨房有人洗嘢...
今次我唔理三七二十一, 冲落楼下睇下究竟咩事先!
去到睇, 乜嘢都冇!!! 但系我好肯定D声系厨房嚟既! 唯有念两句, 返翻房...
一入到房, D声又嚟返.... 呢次实行唔理拒啰...
有一次我都系半夜响大厅度睇电视, 厨房都系有人洗嘢..."拒"真系唔惊人哦!

冇几耐, 又到我房边既厕所既马桶, 每嗰夜晚都会有人冲水.
响我房边之哦, 再冇理由听错啩...
起初我仲以为隔离条友成日屙夜尿, 问一问拒, 拒讲冇啊! 拒都冇屙夜尿既习惯.
当场又俾拒吓到下. 唔系嘛, 杀到嚟我既厕所???

卒之有一嗰周末, 全间屋既人都返晒马来, 剩返我一嗰人响楼下大厅度睇英超.
一边睇一边食花生饮D酒, 点知楼上厕所既马桶冲水声又嚟!!!
我咪九秒九咁走上去睇下系咪真系嗰厕所有人冲水!!!
上到去你估我睇到咩嘢???
嗰马桶D水真系响度冲紧啊!!!!
我呢铺真系惊到, 即刻落楼下攞埋D嘢, 又九秒九咁冲返上房, 闭门成晚都唔敢再出嚟...

第二日再同大家讲间屋真系有D嘢, 我家姐都认同, 因为拒都发觉间屋D嘢成日都俾"人"唷过...
之后家姐就去四马路间观音庙度为大家位位求一度符保平安.
环境之后就真的有好转, 就咁勉勉强强住到一年合约完咗就即刻鬆记搬去SUNSET WAY既CLEMENTI PARK啰!!!