2009年10月29日星期四

男人-死性不改! 18PL








细路都系咁啦, 何况系我地呢D大男人!!!
嘻嘻嘻.....

2009年10月28日星期三

庞缇.豆腐

庞缇, 一嗰劲有料既国际级泰国著名法医.
验尸多过你验尿, 劏尸多过你劏鸡既法医.
绝对唔系果种随便NGAP, 当秘级既烂臭法医.
阿边嗰边嗰, 有种你就批开棺验尸, 等我地睇返场好戏!
我最多牺牲小我, 完成大我: 裸泳益街坊既唧!
横掂我近排操到咁FIT!!!
哈哈哈哈哈.....

想知咩嘢叫豆腐冇??? 请睇以上既照片!!! 呢D咪叫做豆腐啰...
咁长既吊桥, 嗰樁竟然打得咁浅???
有读过少少物理学既人都知唔掂啦!!!
再加上呢条系可以随便摇既吊桥, 可以顶两嗰礼拜咪偷笑啦.....
唯有对D牺牲者讲声: SORRY.....YOU ARE UNLUCKY......
千错万错, 都系朝廷既错!!!
你地又点睇以上两件事啊???

2009年10月27日星期二

鉴证实录之亲生仔!

为咗确实饭仔系咪我既亲生仔, 请睇以下试验, .....

video

冇错!!! 唔驶验DNA, 唔驶问阿贵, 佢真系我既亲生仔!!!
因为佢千捡万捡, 都系捡咗蜡笔小新, 丢咗嗰咸蛋超人.
同我一样, 咁LOVE蜡笔小新! YEAH......!!!!
哈哈哈哈哈.....

2009年10月26日星期一

肌肉男!


冇错! 又系佢~!!!
不过.... 佢今日伤风了......
难怪沉晚成晚扭计啦......
肌肉男, 快D好返啦!!!

2009年10月25日星期日

吹水聚会....

拜六晚部长约咗几嗰博友响屋企度搞打边炉(食火锅)兼吹水!
佢地系: 瞌睡公主的秘密一家, 男人的女人故事一家同埋因为开心, 所以笑既FATTY JEAN!
结果几嗰痴痴呆呆坐埋一台, 一吹就吹咗几粒钟!

吹水吹水兼唔抹嘴!
大家响度从细嗰开始斗惨, 斗穷, 斗脚车.....
到后生青春时斗靓仔靓女, 斗似明星, 斗爱情故事, 斗花心风流....
再斗到结咗婚斗BB, 斗有钱, 斗ROLEX, 斗LV, 斗名牌......
再再斗到有钱男女朋友, 斗有钱契妈契爷.......
再再再斗到大家既屋企入贼记, 打抢记.......
总之就吹到够, 食到够, 但系....
因为揸车既关系, 冇人陪我饮到够哩.... 嘻嘻嘻....

到最后, 大合照.....
点知好似正系得前面果位"ANDY辉哥"先生埋晒位咁....
摆晒铺士, 揸埋银纸, 扮晒美人鱼兼四万咁既口, 认真映相!!!
后面D我地就好似"人肉布景板"咁,
大佬啊, 我地都仲未准备好.....
乱笑既乱笑, 乱喊既乱喊, MAK口既MAK口, 搞狗既搞狗....
成张相望落去, 正系得见到佢!
真系笑到我地飙眼水兼飙尿!!!



结果就系咁.....大颠大废咁结束咗我地呢次既聚会....
盼望下次再张国荣首歌咁: "水继续吹"..... :P

后记: 有咩招呼唔到, 唔好见怪啊.... 因为我地好穷架!!!

2009年10月22日星期四

敬业乐业!

敬业乐业, 好多人都做唔到!
因为每份工作, 无论系扫地既阿婶, 或者系上市公司既CEO, 都有佢既压力.
但系我就有自己一套既"捻法"(想法), 嚟填补我工作既压力,
兼搞到我好鬼死爱我份工既.......
当我工作好大压力兼好想呕血既时候, 我就会深呼吸, 捻以下既嘢.......

一年有五十二嗰礼拜, 我做五日制, 所以拜六礼拜两日2X52=104日系唔驶做既.
加上公共假期14日, 最近又多一日916国庆日, 又有15日公共假期.
再加我年假28日, 又再"唔小心"病假6日,
总共153日系唔驶做既.

365日-153日=212日, 等于差唔多只做七嗰月既工.
再加花红过去几年都有平均五嗰月....
12+5=17嗰月薪水!
做七嗰月工攞十七嗰月薪水!
加上薪水都算OK又再加上系GLC半政府机构, 通常都有得吞朴兼食蛇既....
哈哈哈哈哈...... 咩工作好大压力, 咩好想呕血既事全部忘记晒啦!!!
你话我敬唔敬业, 乐唔乐业啊???
I LOVE MY JOB VERY VERY VERY MUCH!!!!

可能你地都可以试下咁捻下, 或者工作都会开心D架!!!

2009年10月20日星期二

真人真事之: 山本先生食饭事件!


2007年华人新年, 还记得我家乡第一次接待日本人山本先生......
由于系华人新年大马有长假, 睇见山本先生孤零零一嗰人离乡背井, 又冇节目, 咪邀请佢去我家乡作客食嗰便饭, 一嗰佢极之难忘既团圆饭.....


饭妈: 阿饭, 叫你日本朋友敢敢夹餸, 食多D啦....
饭哥: 放心啦, 佢识架啦.....
饭妈: 睇下佢, 斋食白斩鸡, 都唔敢夹其他餸既?
饭哥: 得架啦妈子.... 佢都咁大嗰人啰, 又唔系细路哥, 得架啦....
饭妈: 斋食白斩鸡又唔点D"白油"(酱青), 边有味啊???
饭哥: 你同佢讲啦!
饭妈: 佢识听广东话既咩????
饭哥: 识!!!!!! 佢响度好耐架啦, 识听广东话咗架啦....


之后妈子咪落住支"白油"问佢: 山本先生, 捞D"白油"冇?
山本先生笑笑口答妈子: "NO".
妈子咪攞起支"白油"帮佢"捞".....
山本先生再笑笑口咁妈子讲: "NO! NO! NO!" THANKS....
妈子咪又揸住支"白油"猛咁帮佢"捞,捞,捞"兼同我讲:
世估唔到D日本人, 咁食得咸哦!!! 又有礼貌讲THANKS!


听到妈子咁讲搞到我地成家人即刻喷饭兼笑到我地肚痛!!!
可怜的山本先生, 到最后都吭晒碗饭, 因为日本人认为, 人地俾既嘢, 一定要食晒!
呢D都系日本人D基本礼貌.
可怜的山本先生..... 佢已经带住呢嗰惨痛既记忆返咗日本啦.....

2009年10月17日星期六

拥尸洁!

冇错! 又俾我估中! 我就系讲紧"华山派"掌门人:拥尸洁!

仲记得前两篇我写既百思不得其解既尾段吗:
掌门人:
之前我讲劈炮唔捞系讲下爽兼吹下水唧....你地驶唔驶咁认真啊???哈哈哈哈哈.....
睬你地都傻, 放四日假先! 慢慢等啦! 哈哈哈哈哈....

睇死佢唔会走架啦.... 好似甲兄话事解: 边嗰都一九色架啦! 哈哈哈
上次嗰巫当派既廉政王又系话有好多嘢未做晒唔走得,
依家华山派掌门人又照版照碗又话有好多嘢未做晒唔走得.

人民百姓D问题够多都搞唔晒啦, 又唔见有人解决晒???
如果可以解决晒就唔驶D废派, 班废人嚟做咩人民大臣啦!

不过哩, 因为件码头事件佢已经得罪好多人, 依家就连巫当派都唔妥佢.
再加上呢排佢又变咗"冇口齿王", 所以哩, 佢既日子, 真系唔会长.....

好啦, 吹住咁多先啦, 因为又要庆祝过年啦! (印度同胞年)!!!
祝各位: 新年愉快!!!

2009年10月14日星期三

迷人的乳沟.....18PL!!!

哇!!! 迷人的乳沟.....应该都有36D啦.....











睇咩啊睇????
各位乡亲父老, 阿姐阿哥.........系我饭仔既乳沟啦!!!!

哈哈哈哈哈......咪你地咁咸湿架!!!!
哈哈哈哈哈......
后记: 我老窦都有40寸胸肌啦......

2009年10月13日星期二

百思不得其解

华山派武林大会终于落幕啦.....但系嗰掌门人就百思不得其解.....

掌门人:
点解会咁既???? 点解D弟子唔信我???
我咁才高八斗有型兼靓仔, 点解你地唔信我???
我唔咸湿又冇搞咩婚外情, 点解你地又唔信我???
我冇住同一酒店又冇DVD, 点解你地又又唔信我???
我咁后生又有成千万身家, 点解你地又又又唔信我???
我唔贪污又笃爆码头风云, 点解你地又又又又唔信我???
我马路大臣连"吉皇"都信我, 点解你地又又又又又唔信我???

唔通你地想嗰"咸湿细细粒", 或者....
嗰病夫"料大夫", 又或者.....
嗰性感兼钟意唱歌跳舞既"老燕子", 嚟带领你地?
你地真系令我......越问越伤心........

"咸湿细细粒"&"料大夫"&"老燕子"&其他弟子:
你有本事就赖死唔走啊!!!!

掌门人:
之前我讲劈炮唔捞系讲下爽兼吹下水唧....你地驶唔驶咁认真啊???
哈哈哈哈哈.....
睬你地都傻, 放四日假先! 慢慢等啦! 哈哈哈哈哈....

人民百姓:
@#$%^&*+!!! 人民百姓既问题唔解决, 嗰嗰响度争上位!!
食屎啦+)(*&^%$#@!!!

2009年10月10日星期六

爱情的祝福!

沉晚去饮朋友既结婚酒.
呢D咁既场面, 梗系免不了上台敬酒呢家嘢啦.
咁朋友咪"逼"我上台讲返几句祝贺词.....

一旧饭: 好多谢姑爷姑娘咁俾面叫我上嚟吹返两句, 我都唔知讲咩好, 男既咁靓仔, 女既又咁索!
咁....我就简单D, 祝姑爷姑娘既爱: "侧田戴帽"啦!

老司仪: 吓??? 爱的祝福系"侧田戴帽"??? 咩意思啊???

一旧饭: 姑爷姑娘既爱就好似"侧田戴帽"咁, 打风打雨就算打交都打唔嘞啦!

老司仪: 吓??? 咁都得?????

台下: 哈哈哈哈哈..........

周末愉快!!!

2009年10月6日星期二

贱男的朋友病咗!

听讲有嗰老朋友病咗几日好似好严重咁, 咪趁得闲拨嗰轮俾佢八嗰究竟!

贱男: 012XXXXXXX....... DOO DOO; DOO DOO; DOO DOO; (心情开始忐忑不安....)
贱男: 再打! 012XXXXXXX....... DOO DOO; DOO DOO;
朋友: 哈啰.......(系一把陌生又沉重的声音)
贱男: 唔该你叫阿边嗰边嗰听电话啦. 唔该!
朋友: 我就系.....
贱男: 哇! 乜真系病到咁严重啊??!! 连声都变埋? ICU啊???
朋友: 你就ICU! 胃痛喉咙啦......
贱男: 仲识闹人就证明冇事啦! 好彩仲有人接电话, 如果唔系我就叫D朋友准备做架啦...
朋友: 做咩啊?
贱男: 做帛金啊! 一场老友, 点都会帮你做返D既....
朋友: 哈哈哈哈哈...... 你去死啦!!!
贱男: 真系架! 再冇人接电话我就用你FACE BOOK既相登报再做帛金架啦....
朋友: 哈哈哈哈哈.... 多谢兼有心! 唔死都俾你激死啦....
贱男: 冇事就好啦! 有乜事就电联啦!
朋友: 有事都打唔到电话俾你啦....
贱男: 又系哦! 嘻嘻嘻.... 咁就MSN OR FACE BOOK啦. 下面应该都兴既!
朋友: ............

2009年10月4日星期日

客家话....

上次讲咗D广东话之后, 今期想讲下D客家话.
不过, 未讲之前, 我想解释下, 我呢篇嘢唔系想得罪客家人哦, 因为我以前都系俾人整估架.
希望D客家人唔好见怪啊!

因为我系来自金宝, 嗰度好多客家人架.
记得以前有班客家朋友叫我用客家话读以下呢篇文:

"大风吹, 树上树枝摆,
大枝摆开小枝摆,
小枝摆开大枝摆,
我比较钟意小枝摆."

点知未读晒就俾佢地笑到碌地啊....
原来我先发觉, 我好似响度讲紧粗口哦.....

P/S: 对唔住啊各位, 呢排唔得闲去大家处坐下, 希望大家明白, 见谅....
我知你地唔会咁小气鬼既.... 嘻嘻嘻....

2009年10月2日星期五

大马VS香港

好多本地既广东话同香港既完全唔同. 如果你有机会去香港玩, 就要注意我地D广东话, 以免俾D香港人知道你系马来嚟, 买嘢时砍你成颈血, 包住条颈返马来啊....

以下几嗰例子系最经典既马来广东话啦:

1) 出国"尿", 其实系出国"玩". 所以D香港人讲点解D马来广东咁多"屎屎尿尿"既?!
2) 唔系"大摆","以后". 如果"大摆"系"以后", 咁"细摆"系咩啊???
3) 系"落雨", 唔系"落水". 正如"农夫"讲, 咁咪变咗"落水饮雨"??? 应该系"落雨饮水"正啱.
4) 买嘢食千祈咪讲"打包"哦, 因为"打包"响香港既意思系D尸体"打包". 应该讲"攞走"或"外卖".
5) "自己", 唔系"假GI". 杜徳伟同叶倩文首歌系"信自己", 唔系"信假GI"!
6) "全部", 唔系"深妈", 因为"深妈"系马来"SEMUA"翻译过嚟既.
7) "钱", 唔系"LUI", 因为"LUI"又系马来"DUIT"翻译过嚟既.
8) 唔系"CIN CAI","是但"或者"求其".
9) 唔系"班耐","聪明", 因为"班耐"又又系马来"PANDAI"翻译过嚟既.
10) 唔系"KUAI","百厌"或者"顽皮".

仲有冇其他D可以分享啊????
仲有哩, D香港人讲话好钟意后尾音"LEH"或者"哩". 讲话都会有拉音既. 比较SOFT D.
我地D就快兼即刻FULL STOP. 比较"硬"D.

好啦! HAPPY中秋节啦!!!