简单又隆重???

好耐无参加D婚宴, 因为我咁嗰年纪, 嫁都嫁嗮, 娶又娶嗮, 净低D箩底橙唔系讲无, 不过实在有限.
咁岩嗰日有嗰朋友既朋友即朋友.....唔记得边嗰.....咪有机会去左嗰小镇饮囖....
唔驶问, 例排D嘢: K台, 大衿姐, 司仪, 劈CAKE, 劈酒, 玩新人, "饮............饮..........饮.........饮饮饮........胜................."鬼杀咁吵D场面梗系唔少得啦. (我真系唔明饮杯嘢都要饮咁耐.....唔攰既咩????)

就响上台敬酒紧张既时刻, 大会司仪爆出一句: 多谢各位百忙抽空俾面嚟饮呢对新人准备"简单又隆重"既婚宴.......++++

吓????!!!!咩嚟架???!!!!
简单又隆重?????!!!!!乜唔系反意词咩?????点解可以痴埋一齐用既咩????
我中文虽然唔系好好, 高中净系拿到嗰A２啑......(SHOW SHOW　时间！！！唔好意思！！）
如果可以，　咁我咪可以讲以下既嘢？？：

肥胖又掹鸡既伴娘？？？
难听又劲琳既情歌？？？
简单又劲ＣＬＡＳＳ既汽车？？？
丑陋又劲索既新娘？？？
年青又老饼既亲家？？？
安静又鬼咋既婚宴？？？
难食又美味既菜肴？？？
痘皮又靓仔既新郎？？？
低贱又高档既宴会？？？
难饮又顺口既美酒？？？
失败又美满既婚姻？？？

借问声，　咁样讲，得唔得先？？？