2010年3月3日星期三

升官发财??

沉晚, 十一点几返到屋企, 冇端端跌爆副眼镜,
真系大吉利是....
心捻....唔通大事不妙??? 凶兆????
搞到我成晚瞓唔着添.....

今日一早, 去ATM攞D钱嚟洗,
睇真D, 咦??? 多咁多钱既???
唔通银行卖大包???
等阵返到公司一定要上网CHECK CHECK究竟发生咩事....
返到公司, 睇一睇, 原来出咗个人表现花红....
满意!!! 系我想要既目标....

放完饭, 开完会, 一入办公室,
有条友同我讲: TAHNIAH! (恭喜恭喜!)
吓??? 咩事先??? 佢仲讲: BACA EMAIL LAH....
我又咪拉拉声开嗰EMAIL嚟睇究竟咩事先,
冇理由佢知道我攞几多花红架? 高度机密嚟嗰喔!
睇一睇, 原来HR已经公开今年升职既名字....
第四嗰就系我既名: MR. 一旧饭!
真系开心死我啦....哇咔咔咔....

响政府公司做嘢华人竟然可以升, 仲系两年两级,
除咗做嘢要勤力, 唔好斤斤计较之外,
就系要学下"三好"咁: 存好心, 说好话, 做好事!
不过哩, 我仲有其他"四好"哦:
擦好鞋, 吹好水, 食好蛇, 做好戏!
哈哈哈哈哈.... 一共"七好"!
点解要"七好"哩? 因为"七"一定"上"了嘛: 7-UP!

后记: 都要多谢班帮得忙既手足! 我会请食饭!
下嗰礼拜又要忙食饭啦....
当你升既时候, 肯定好多"朋友"出嚟帮你庆祝既....
但系当你低既时候, 呢D人通常都会散水既...
哎呀, 人之常情啦.... 我唔会怪佢地既....

6 則留言:

jasmine 說...

恭喜恭喜啊!!!!
跌破眼镜不是不好的事,而是落地开花;花开富贵啊!!!

ViVi3n 說...

好野~有人请吃饭

花罗汉 說...

我返屋企都要唔覺意跌一跌我嘅眼鏡先!嘻嘻

恭喜發達!

童言 說...

恭喜恭喜!

路人㊣ 說...

你就好啦!升官发财!

一旧饭 說...

各位, 希望陆续有嚟... :-D