2009年7月23日星期四

再裸泳!!!

各位, 自从上次"我要学明星"争D搞到我裸泳之后, 今次我又嚟多次大胆挑战裸泳!
今次我要挑战近期最HIT既"飞人事件"!

自从"阿吉少"返咗嚟之后, 就宣布搞嗰"黄位会"同埋嗰"盐屎庭", 要将件"飞人事件"搞得一清二楚, 好好交代. 但系"黄位会"之前都搞过单"阿甘正传"啦, 阿甘仲有嗰名句:"讲话似我, 动作似我, 身材似我, 发型似我, 把声都似我, 不过唔系我.", 咪得嗰搞字, 不了了之....

再唔系就好似单"估女狼"咁, "拖"字诀, 再审两年, 因为"老虎国"既人好善忘架! 之后是但揾两条友做替死鬼认罪, 咪搞点啰...

好似我话是解: 呢嗰世界上除咗"黒""白", 仲有"灰"架!
做我呢行同"朝廷"有LINK既, 见怪不怪啦.....

我可以大胆预测"飞人事件"既最后结果系:
唔关"翻碳会"既事, 更加唔会有任何凶手.
如果以上两件事会出现, 我就再发誓裸泳!!!!


17 則留言:

路人㊣ 說...

坐头位睇裸泳~

路人㊣ 說...

饭兄,
响呢度咩事都会有可能,我地拭目以待啦,不过我就唔想睇你裸泳了,我希望有奇迹~

傻瓜语 : 千言万语无从诉, 化情为文字留世 說...

哈哈,饭兄,旧债未清,又要打赌新债?呵呵。。 我希望看到水落石出,不大愿意看你裸泳咯~

一旧饭 說...

甲兄, 你都识讲奇迹啦. 呢嗰世界边有咁多啊? 就算可以计出嚟既"天狗食月", 都要五百年一次啦.

烤蚊, 你有冇搞错啊? 边有旧债啊??
我输三日唧. 人地三日后就上诉赢返咗了嘛. 你有冇睇新闻纸UPDATE架?
我依家仲等紧你嗰边再再再上诉, 不过....嘥气啦... 我都未惊过...哈哈哈哈哈...

虽然, 我都想水落石出...但系...好难啰..

Unknown 說...

Malaysia Boleh!!!

jamie 說...

希望有奇迹,但是心中有数!这就是大马!
觉得马大哥在的时候,比较安乐!

一旧饭 說...

jamie, 劲同意! 我好欣赏尊敬"马王"!

Pet猫猫 說...

您真厉害!知道奇迹难出现!挑战裸泳啊!我开始幻想你裸泳的情形了!哈哈哈!够变态吧!

一旧饭 說...

Pet猫猫, 你信奇迹???
恭喜你上报纸!

Pet猫猫 說...

我应该是信奇迹的!只是有时候会疑惑啦!那你准备裸泳咯!

wenyileong 說...

屁股~

June_devil 說...

希望奇迹发生啦~飞人真系好惨啊~

hippotai83 說...

这个世界是没有奇迹的。。。
唉~

queenny 說...

可能这次有奇迹,
有可能不是反贪官员干的,
可能凶手是另有他人,
怕飞人会爆某议员大祸,
所以杀人灭口。。。。。
若想很如此,
饭兄就要操FIT身材了。。。哈哈

一旧饭 說...

各位, 希望真会有奇迹啦.
不过好似QUEENY话是解, 就算有凶手都绝对唔系朝廷既人啦, 赖得就赖嘛.
哈哈哈哈哈...

renee 說...

我赞同你的言论,时间很快冲淡一切,不久后,就会被人淡忘,也就不了了之。。。。。。。。。

非一凡 說...

变天之后再翻案就有奇迹,要靠大家去创造!!!