2011年2月25日星期五

我捻我系~~~

早上~~~
部长: 喂, 你又讲沉日要去银行搞D嘢既, 点解又冇去啊?
饭哥: 吓? 乜我沉日有讲过咩? 冇啊!
部长: 有!!! 肯定有!!! 仲话之后再去邮政局添!
饭哥: 我冇讲过啊~~ 系TONY讲之嘛~~~
部长: 痴痴地线啊你???
饭哥: 等阵下午一齐食饭啦! 电联!

下午~~~
部长: 喂, 又话CALL我食午餐既? 成一点钟啰都冇CALL我既?
饭哥: 吓? 乜我有讲过咩? 几时啊?
部长: 死啦! 等到我饿到鬼咁依家你话冇???
饭哥: 唔系我讲架, 系饭哥讲架!!!
部长: 你真系好有问题咗! 咁我自己食啦! 等阵放咗工记得帮我买面包啊!
饭哥: OKOK~~~ SORRY SORRY~~~

晚上~~~
部长: 我既面包呢???
饭哥: 你几时有买面包哦?
部长: 系你话放工帮我买面包架!!!! 死佬!!!
饭哥: 有咁既事?? 唔系我呱~~~
部长: 又唔系你??? 又系边个啊???
饭哥: 系骆生应承你买啊~~~唔系我啊!!!
部长: 你真系痴晒线啊!!! 去睇医生啦~~~
饭哥: 睇咗啰~~~
部长: 咁医生讲咩啊?
饭哥: 医生话我有"多重人格"喔~~~ 一共有三个人响我身体入面: TONY, 饭哥同埋骆!
下次你要同我讲嘢或者吩咐我做嘢哩, 一定要CONFIRM下同紧边个讲嘢啊~~~ 唔该~~~
部长: ........................

后记: 呢排睇得太多"多重人格"既戏, 搞到我都有D痴痴地线~~~
不过哩, 都系一个劲好用兼好好既借口! 唔信你可以试下架! :P

2011年2月17日星期四

淫完烧~~~(吟元宵)

半夜起身食支烟, 问你系咪痴咗线,
仲想食多碗面线, 叫我CHECK有冇GAS先,
失恋系咪大晒先, 咪同我讲你情痴,
只羡鸳鸯不羡仙, 我只会当你白痴!
祝各位街坊: 元宵节晚安~~~~

2011年2月10日星期四

又乳沟~~~

以前EUGENE有乳沟, 现在妹妹VINCY也是有哦~~~

2011年2月6日星期日

新年感想~~


新年期间~~~
出街食嘢, 等上菜成个钟, 食得半个钟~~~嘥时间!
行D要俾钱既路, 平时四十五分钟路程, 大日子要三个钟~~~又嘥时间!
SMS消费高, 因为要祝同复D SMS贺词~~~嘥钱!
剪发染发SET发消费加倍, 因为要最靓既LOOK示人~~~又嘥钱!
出街去PUB饮杯冇开门, 响屋企自对劲闷~~~嘥酒!
高路平时行开百八, 新年有马打只行百一~~~劲闷兼眼瞓!
我地能忍受以上咁多D种种的不满, 都不过为咗与家人朋友旧街坊短聚~~~
因为~~~这是无价的!

2011年2月3日星期四

新年贺语!

新年个个好开心,
攞个红包食粒柑,
穿银仲要带黄金,
讲嘢千祈冇太深,
费事俾人柄镬金!
恭喜发财!