2008年6月15日星期日

父亲节之忆老斗记

今日系一年一度既父亲节, 响街见到嗰嗰HAPPY FAMILY咁, 真系登拒地开心, 但系我都已经25年冇庆祝呢嗰伟大日子啰....

七岁嗰年, 老斗因为食物中毒, 对脚唔行得咗, 妈子就孭起成头家咗, 响屋企前面摆档卖粉, 千祈咪误会, 唔系索嗰只, 系食嗰只. 老斗顶咗两年, 就要走去卖"咸鸭蛋"咗. 当时我正得九岁, 我排最细, 哥哥姐姐都出嗮去揾食读书, 剩底我同妈子响屋企啰....

老斗病嗰时, 都会时不时同我拄棋. 为咗拒, 成家人都挨苦..... 医药费嘞嘛.... 仲要服侍拒哩.... 不过我地全都冇怨言, 拒系老斗嘛. 仲系嗰识武功既老斗添! MAYBE讲你都唔信, 我老斗真系中国少林弟子, 不过冇出家嗰嗰啦. 拒真系中国过嚟架. 嚟到呢度响D会馆教功夫, 教戏班, 跟住仲响家度做D铁打生意. 我有嗰FRIEND拒老斗就系我老斗嗰徒弟, 唔信你可以问拒: 沈X辉既老斗沈X水.

记得老斗生前有好多D练功武器, 但系拒走咗之后, 家人惊冇"礼申"喔, 咪托人将D嘢丢嗮落河度, 依家捻到就觉得可惜..... 包括有关刀, 三节棍, 长矛, 大刀等等. 仲记得有本"功夫秘级"同埋"中药秘级", 到依家仲俾我大佬收埋唔知响边. 最遗憾就系我家人竟然冇一嗰学到拒D功夫, 因为我大嗰D全部都系阿姐, 得一嗰大佬又冇兴趣学, 嗰时候我又得斗靓咁细, 咪搞到失传啰.... 真系好可惜.....

除咗武功, 拒最拿手就系唱嘢, 乜嘢啊? 粤剧啦...... 几种乐器都拦唔到拒. 有时仲搞到自弹自唱, 仲作埋曲, 填埋词嗰只, 问你惊未??? 妈子好似仲收住几柄老斗录嗰带, 拉小提琴, 自弹自唱. 如嗰拒响呢嗰世纪, 肯定红过JAY CHOU, 劲过力宏, 哈哈..... 老斗!!! 我永远支持你!!!

真架, 我讲既嘢全都系真架. 唔通我攞我老斗嚟开玩笑咩..... 得闲睇下仲揾唔揾到拒D练武相, 哥哥好似仲有KEEP住. 到时再证明俾大家睇. 你信唔信都好, 记住, 珍惜身边所有人, 就算老斗老母几恶几打你几闹你都好, 拒地都有权咁做, 因为冇拒就冇我地, 最多咪法庭见. 哈哈!!! 点都好, 边嗰老斗老母唔锡自己既囝囝囡囡架? 你话系咪?? 点都好, 有拒地响身边一日, 日日都系父亲节母亲节啦, 驶鬼一年正庆祝一次咁多哦??? 出去庆祝又多人又贵, 经已商业化啦!!! 冇俾人赚啦, 油贵啊!!!

不过, 明年我可以庆祝啰, 千祈冇误会唔系我老斗会翻生, 而系我就快做老斗啦!!! 哈哈!!!YEAH...!!!
各位, 希望你地有嗰开心既老斗节: HAPPY FATHER'S DAY!!!

7 則留言:

路人㊣ 說...

HAPPY FATHER'S DAY....To Me
嗰女仲细味识同我庆祝,老豆去卖"咸鸭蛋"咗。
树欲静而风不止,子欲养而亲不待~共勉之

非一凡 說...

等我问下阿辉先至得,吾系你以为吹水吹得甘过瘾吖!
好采你而家生性好多,如果吾系,雷劈吖你。

匿名 說...

甘以后你就要生生性性啦!做个你仔仔/囡囡的好老窦。

一旧饭 說...

多谢你地!!! 我会加油!!! 大家一齐加油吧!!! KAMBATE!!!!

renee 說...

你的故事很感动,你也很听话"好生性”

恭喜你就快做老豆,老豆唔易做啊

renee 說...

好庆幸你真係变得好好仔。。。。^_^^_^哈哈
祝福你。。。。。。好老豆

renee 說...

其实你老豆边係食物中毒啊。。。。。。。
九成九係爆血管中风啦!!!

所以話,至紧要健康啦。。。。。。。
你我是肥人一族,真係要谨慎呀

但是你叫我美食当前。。。。节食。。。。no way啦。。。。。。民以食为天嘛。。。話之變猪乸,都几十岁咯。。。。。。山珍海味。。。不吃白不吃!

吃得健康就得啦