一周年纪念++++

沉日12/12系我同部长注册一周年纪念...好快...一年啦!!!
虽然, 相又未映, 酒又未摆, 但系已经BB嚟咗啦!!! 对唔住啊部长, 我会补返架啦...
部长要食西餐"阿船", 咪带拒去咗DAMASARA UTAMA果间. 哇!!! 劲多人啊!!!
唔知点解哩...D纪念日哩, 女人硬系钟意去食D鬼老嘢...哈哈哈!!!
结果咪叫咗以下D食物啰....




除咗庆祝一周年, 仲有提前一日庆祝我牛一啦...亦都系今日啦13/12!!! 因为今晚要同班唔同部门既华人同事, 同埋班CONTRACTORS去食饭. 所以咪提前啰....哈哈哈!!! 又老一岁啦!!!
响呢度我要感谢我妈生我咁痛之外, 仲要多谢部长, 家人, 几位老友: 闲人, LAI, BENSON, 大头, 大哥鸿, 冰同埋阿威, 咁多年来对我呢嗰朋友不舍不弃, 就算遇到劲多麻烦或者问题. 真系好多谢你地!!! I LOVE ALL OF YOU!!!
特别多谢部长呢一年来对我既付出与爱戴兼. 我会好好爱拒珍惜拒...
CHEERS!!! 明天会更好!!!!

我D零食呢???

打开嗰雪柜, 哇!!! 发生咩事啊??? 我D零食呢???!!!
搞错啊!!! 全部都系我家部长D补品!!! 我D零食呢???!!!
真系冇阴公啰... 搞到我即刻作咗首诗:

出钱兼"出位", 做男人边会抵???
生埋嗰仔仔, 真系认真要捻计,
点样揾钱多D洗, 多D洗!!!!!

女人就真巴闭, 生完仔仲要补到底.
唔系就玩自闭, 用咗D手巾仔,
邋邋遢遢等我洗, 等我洗!!!!

确定我下一世, 一定要做嗰靓女仔.
周围去沟仔, 沟到嗰有钱仔,
就成世唔驶闭翳, 唔驶闭翳!!!!
你话系唔系, 系唔系???

准备就绪...!!!

趁三日假期, 终于搞点晒BB D嘢啦....买晒兼搭晒啦!!! 免我家部长再日哦夜哦, 哦都我都晕啊...哈哈哈!!
呢嗰就系我地既BB床啦!!! OK冇???
冇计啦, 经济唔好, 悭得就悭啦...
仲有十六日就出世啦!!! 亦都系圣诞节早上啊, 好紧张啊!!!

好失望啊!!!

黎明姨输咗啰.....真系好失望...!@#$%%^&*&^^%#!!!
我支持拒从EMPAT SEKAWAN"肥婆四"果阵啊!!! 不过咪以为我咁老炳啊...果阵我得几岁之啊... 哈哈哈...
点都好, 黎明姨, 响我地心目中, YOU ARE THE BEST!!!!
我地永远支持你!!!! 加油啊!!!

男人果度同师奶力量

男人, 最重要系边度??? 千祈咪捻歪哦...
其实有三度: 高度, 量度同埋风度.
高度??? 我肯定冇啦...哈哈哈!!! 但系量度(大量度)同埋风度我都有D既!!! 冇计啦, 鬼叫我冇最重要既高度咩...哈哈哈!!! 量度: 因为我学识咗:FORGIVE AND FORGET. 风度: 男人边度可以冇架...直头四哥(谢贤)上身啦...哈哈哈!!!

睇咗"师奶股神"之后, 我绝唔会低估师奶既力量, 但亦都未真正感觉到拒既强大. 但系, 今日, 我真系感觉到拒既真正既劲强大!!! 哈哈哈!!! 厉害厉害!!! 失礼晒!!!
几时得闲啊??? 出嚟我请食饭啦!!! 未结婚既未来师奶都听者有份啊!!! 不过, 家常便饭之哦, 唔好嫌弃哦... 失敬失敬!!!

大与细, 平与贵, 靓与丑...

其实, 有D嘢, 大与细, 根本不重要.
其实, 有D嘢, 平与贵, 都根本不重要.
其实, 有D嘢, 靓与丑, 亦都根本不重要.
最紧要诚意.
其实, 有D嘢, 大与细, 平与贵, 靓与丑, 就系睇你点睇...亦都让人点睇你....何必计较呢.....
最紧要好玩!!! 唔钟意就冇玩...哈哈哈!!!
我唔可以让全部人开心, 但系我唔可以俾自己唔开心...哈哈哈!!!
吹咩??!!

咪话我唔请你地........

今日工作又忙又攰又闲啊!!! 不如请你地听返首我最钟意既日本歌: "FIRST LOVE",RELAX下啦!!! 可能好多人都听过, 不过就唔知拒NGAP乜!!! 唔紧要, 呢度为你一一解答!!!
仲有..........

送多嗰K歌版本俾你地, 学唱啦!!! 尤其是MIYUKI, 你唱歌咁正, 一定要唱啊!!! 我去亲日本梗唱架...仲有两首, 大家亦都好熟既...迟下话过你地知啦!!!
后记: 铁定明年二月飞日本一嗰星期啦...YEAH!!!
冬天既北九州, 东京, 北海道, 我又嚟啦!!!